Flick shpall skuadrën e ‘panzerave’ për Katarin, rikthehet heroi i finales së Brazilit

 

Kombëtarja gjermane ka shpallur listën zyrtare të 26 emrave që do udhëtojnë drejt Katarit për Kupën e Botës 2022.

Pas zhgënjimit në vitin 2018, Gjermania bëri disa ndryshime përfshirë edhe largimin e trajnerit asokohe Joachim Low, i cili zgjodhi të largohej.

Hansi Flick ka vendosur të sjellë ndryshime në skuadrën e Katarit, përfshirë edhe surpriza.

Jashtë listës mbeten tre ‘panzera’: Timo Werner, Mats Hummels dhe Marco Reus. Ky i fundit është hera e dytë që humb Kupën e Botës për shkak të dëmtimeve.

 

 

 

Surpriza e Flick është rikthimi i heroit të finales së Brazilit, Mario Gotze, që i dha Gjermanisë në minutat e fundit fitoren e Kupës së Botës në vitin 2014.