Flash News

Mendoi se ishte kafshë e egër, plagoset me armë gjahu një person në Bulqizë

Humbi jetën në aksident, kush ishte gazetari Enrik Mehmeti, i kushtoi mbi dy dekada profesionit

Posta e mëngjesit/ Me 2 rreshta: Çfarë pati rëndësi dje në Shqipëri

Aksident në Vlorë, vdes gazetari i njohur Enrik Mehmeti

Atentati në Sarandë/ Thimjo Rubati u qëllua me 3 plumba, ja si paraqitet gjendja shëndetësore

E-TJERA

Gazetari i njohur amerikan: Sekti Soros-FBI-Biden-Blinken punoi për të goditur politikisht Berishën

Politiko 30 January 2023, 21:06

Gazetari i njohur amerikan: Sekti Soros-FBI-Biden-Blinken punoi për të

Gazetari i njohur amerikan, Dan Bongino, ka hedhur akuza të forta në drejtim të presidentit amerikan, Joe Biden. Në programin e tij, ai thotë se sekti Soros-Biden-FBI-Blinken punuan qëllimisht për të goditur presidentin e parë antikomunist në Shqipëri, Sali Berisha.

 “Nuk kam parë kurrë, nuk kam qenë kurrë më i frikësuar se sa e korruptuar është kjo qeveri. Sa herë mendoj se nuk mund të bëhet më keq, del një histori si kjo”, thotë Bongino.

“Kompania e Biden me djemtë, vëllezërit, ka pasur një interes të vërtetë në Shqipëri.

Miranda Devine e ‘New York Post’ shkruante në shkurt të vitit të shkuar se Sekretari i Shtetit, Antony Blinken ka një njollë të tmerrshme Shqipëri përmes Soros. Pra Soros është në Shqipëri gjithashtu? Soros, ekipi i Biden, Sekretari i Shtetit, FBI, karteli Sinaloa, OJQ-të, komuniteti i inteligjencës, i gjithë sekti është këtu.

Në shkrim Miranda Devine shkruan se një nga gjërat më të çuditshme është se një nga gjërat e para që bëri Antony Blinken në detyrë ishte sanksionimi i ish-presidentit dhe ish-presidentit shqiptar, Sali Berisha. Jo atij që punonte me FBI-në, atij tjetrit. Tani ai akuzohet se është përfshirë në zgjedhjet shqiptare për llogari të miliarderit Soros. Dhe është paditur për shpifje në një gjykatë ndërkombëtare.

Pra veprimi i parë i tij ishte të sanksiononte të parin presidenti anti-komunist në Shqipëri dhe aleat të presidentëve Bush? Pra, ky njeri, Sali Berisha është kritik i hapur i Soros dhe OJQ-ve të tij”.

"Pra, njeriu i Biden, Sekretari i Shtetit Antony Blinken denigron ish-kryeministrin dhe një antikomunist, e sanksionon atë në mënyrë të çuditshme ndër gjërat e para në detyrë, nuk merret me kufijtë e hapur dhe gjërat e tjera, por shqetësohet për Shqipërinë ku FBI ka një agjent të korruptuar që po punon, ku kompanitë kineze ku punonte Hunter Biden po punojnë dhe ku Soros po punon për të eliminuar armiqtë e tij politikë,” shprehet gazetari i njohur. Marrë nga Syri.net

 

Të fundit