Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Gjithmonë e kam në zemër popullin tim shqiptar”/ Sot, 112 vite nga lindja e shenjtores Nënë Tereza

Politiko 26 Gusht 2022, 09:32

“Gjithmonë e kam në zemër popullin tim shqiptar”/

26 Gushti përkon me datën e lindjes së shenjtores Nënë Tereza.

Nobelistja me origjinë shqiptare, Gonxhe Bojaxhiu ose siç ndryshe njihet Nënë Tereza, lindi më 26 gusht të vitit 1910 në Shkup. Për 18 vite, Gonxhe Bojaxhiu jetoi në Maqedoni, për t’u shpërngulur më pas në Irlandë dhe në Indi ku jetoi në pjesën më të madhe të jetës.

Nënë Tereza ishte ajo që themeloi Misionarët e Bamirësisë, një kongregacion fetar i cili në vitin 2012 kishte më shumë se 4,500 motra dhe ishte aktiv në 133 shtete.

Shenjtorja u nderua me një sërë çcmimesh dhe nderime nga më të lartat, ndër të cilat: më 1962 Çmimin e Paqes Ramon Magsaysay dhe 1979 Çmimin Nobel për Paqe. Më 19 tetor 2003, ajo u lumturua dhe u quajt “Tereza e Bekuar e Kalkutës”.

Bazuar në rregullat e Kishës Katolike, Gonxhes duhej t’i njihej edhe një mrekulli e dytë për t’u portretizuar më pas një shenjtore. Mrekullia e dytë iu njoh nga Papa Françesku në dhjetor të vitit 2015. Nënë Tereza u shpall Shenjt nga Kisha Katolike e Romës. Kanonizimi i saj është bërë më 4 shtator 2016, një ditë para 19-vjetorit të vdekjes së saj (5 Shtator), ku njihet edhe si dita e saj e festës.

“Unë gjithmonë e kam në zemër popullin tem shqiptar. Shumë e luti Zotin që paqja e tij të vijë në zemrat tona, në të gjitha familjet tona, në gjithë botën. Luti shumë për fukarat e mij – dhe për mua dhe motrat e mija. Unë lutem për juve”, janë fjalët që Shën Nënë Tereza i thoshte shpesh për Shqipërinë.

 

Të fundit