Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Greqia çon në parlament projektligjin për çështjen e detit me Shqipërinë, Reuters: Nuk do të ndikonte në ujërat në Egje

Politiko 9 Janar 2021, 14:16
Greqia çon në parlament projektligjin për çështjen
Foto ilustruese

Qeveria e Greqisë ka paraqitur një projektligj në parlament për të zgjatur kufirin perëndimor të ujërave të saj territoriale në Detin Jon në 12 milje detare, pas negociatave me fqinjët e saj rajonalë Italinë dhe Shqipërinë.

Projekt-ligji, i paraqitur vonë të Premten, do të zgjasë ujërat e tij perëndimorë nga gjashtë milje detare.

'Reuters' shkruan se kjo nuk do të ndikonte në ujërat në Egje, pranë brigjeve jugore dhe lindore të Greqisë, ku Athina ka qenë në mosmarrëveshje me aleatin e saj të NATO-s Turqinë për kufijtë detarë.

"Greqia dhe Italia kanë nënshkruar tashmë një marrëveshje mbi kufijtë detarë që krijojnë një zonë ekonomike ekskluzive në Detin Jon, ndërsa Athina dhe Tirana ende nuk kanë rënë dakord për të gjitha detajet e kufirit të tyre detar dhe e kanë referuar çështjen në Gjykatën Ndërkombëtare të Drejtësisë.

Kryeministri grek Kyriakos Mitsotakis u takua me homologun e tij shqiptar Edi Rama në Athinë të Premten.

"Ky projekt legjislacion konfirmon strategjinë e Greqisë për të kërkuar marrëveshje me vendet fqinje, bazuar gjithmonë në të drejtën ndërkombëtare dhe promovimin e sigurisë dhe prosperitetit në rajon," tha të Shtunën Ministri i Jashtëm Grek Nikos Dendias

Në projekt-ligj, i cili pritet të votohet këtë muaj, Greqia thotë se sipas Konventës së Kombeve të Bashkuara 1982 mbi Ligjin e Detit ajo mban të drejtën për të ushtruar të drejtat e saj në pjesë të tjera të territorit të saj.

Dendias tha se ky ishte një moment historik për Greqinë. Në lindje të Greqisë, Turqia ka paralajmëruar se një veprim i ngjashëm nga Athina do të ishte një provokim për luftë", thuhet në artikull. 

Tensionet janë përshkallëzuar që nga viti i kaluar mbi burimet e energjisë në Mesdheun lindor.

Të dy vendet ranë dakord disa muaj më parë për të rifilluar bisedimet eksploruese mbi pretendimet e kontestuara detare në zonë pas një ndërprerje katër-vjeçare, por asnjë datë nuk u caktua. Shpresat ishin ringjallur për një rinisje këtë vit

Të fundit