Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Hajdari mban drejtimin e Kuçovës, Maliqi: Turp e faqja e zezë, do e çojmë në Strasburg

Politiko 14 Nëntor 2023, 13:00

Hajdari mban drejtimin e Kuçovës, Maliqi: Turp e faqja e zezë,

Komisioni Qendror i Zgjedhjeve ka vendosur të lërë në detyrë kryebashkiakun e Kuçovës, Kreshnik Hajdari, edhe pse ky i fundit kishte fshehur në Formularin e Vetëdeklarimit, një dënim në Greqi.

Ish-kandidati i BF për Kuçovën, Lefter Maliqi është shprehur kundër këtij vendimi. Maliqi iu drejtua me tone të ashpra komisionerit Ilirjan Celibashi duke i thënë se ky ishte turp dhe se beteja do të vijojë në Strasburg.

“Ne do të vazhdojmë betejën tonë deri në Strasburg. Turp e faqja e zezë. Është një turp dhe një skandal. Ky që bën ky është turpi më i madh i Shqipërisë. E kemi miratuar vetë në Parlament që kur nuk deklaron i ndërpritet mandati. Këta nuk pyesin as për Parlament, as për Gjykatë të Lartë dhe as për Gjykatë Kushtetuese”, tha Maliqi.

Nga ana tjetër, Celibashi u shpreh se fshehja e dënimit nuk është shkak për të ndaluar Hajdarin të drejtojë Bashkinë e Kuçovës.

“Ne jemi para një fakti ku subjekti vetëdeklaruar tashmë kryetar i Bashkisë së Kuçovës ka paraqitur formularin e vetëdeklarimit. Në vlerësimin e tij, ai nuk ka paraqitur një të dhenë që lidhet me një proces penal apo administrativ në një kohë të caktuar të zhvilluar në territorin e Greqisë. Në vlerësimin e tij, kjo ka qenë e panevojshme për t’u deklaruar. Ajo që ka rëndësi është që kjo e dhënë nuk e përfshin atë në kushtet e ndalimit për shkak të veprës penale për të cilën e ka vendimin përkatës. Ngelet për t’u diskutuar pse ai nuk e ka deklaruar.

Në çdo rrethanë ka pasur detyrimin për ta deklaruar. Edhe në respektim të precedentëve të krijuar nga ky institucion që prej vitit 2020, ne kemi mbajtur qëndrim që nuk ka detyrim subjekti vetëdeklarues për të paraqitur në formularin e vetëdeklarimit rrethana dhe shkaqe që nuk e ndalojnë atë të marrin drejtimin e institucioneve publike”, tha kreu i KQZ.

Të fundit