Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Atentati në Shkodër/ U dyshua për vrasës me pagesë, zbardhet dëshmia e kreut të policisë Bashkiake në Malësinë e Madhe

Politiko 12 Tetor 2020, 09:53
Atentati në Shkodër/ U dyshua për vrasës me pagesë,
Foto Ilustruese

Zbardhet dëshmia e drejtorit të policisë bashkiake në Malësinë e Madhe, Mentor Hasanaj, i cili mbeti i plagosur së bashku me të atin, Xhelal Hasanaj, pas disa të shtënave me armë në drejtim të mjetit të tij.

“Kam qenë me familjen time në makinë. Papritur na qëlluan dhe u munduam të shpëtojmë. Pasi të shtënat u ndalën pashë që ishim plagosur unë dhe babai. Nuk e di se cila është arsyeja që na kanë qëlluar. Unë nuk kam asnjë konflikt me askënd dhe as babai im apo familja ime. Unë jam drejtor i policisë bashkiake në Malësinë e Madhe por nuk ka asnjë lidhje kjo sepse nuk kam pasur ndonjë debat apo problem të këtyre kohëve apo edhe më përpara. Kam punuar me shumë korrektësi në punën time duke iu shërbyer të gjithëve. Nuk kam asnjë ide përse na qëlluan”, është shprehur Hasanaj.

Drejtori i policisë bashkiake, Hasanaj, momentalisht ndodhet në spital në Tiranë, në gjendje të stabilizuar shëndetësore pavarësisht të shtënave me 7-8 plumba. Atij iu bë atentat ditën e djeshme pranë bustit të 5 heronjve të Vigut në rrugën Shkodër-Koplik.

Ende nuk dihet kush është autori i ngjarjes, pasi mësohet se personi që qëlloi nga motori në ecje e sipër, ka pasur skafandër në kokë dhe ishte veshur me rroba të zeza.

Sipas policisë, autori mund të ketë qenë një vrasës me pagesë, ndërsa objektiv mendohet të ketë qenë drejtori Mentor Hasanaj.

Të fundit