Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Asutria krah Shqipërisë: BE duhet të shohë përparimin, RMV të shqyrtojë propozimin e Parisit

Politiko 25 Qershor 2022, 16:17

Asutria krah Shqipërisë: BE duhet të shohë përparimin,

Në Austri u mbajt sot Forumi Europian Wachau për temën “Ruajtja e së ardhmes së Europës dhe zgjerimi i BE”, ku i pranishëm ishte edhe kryeministri Edi Rama.

Kancelari austriak Karl Nehammer, teksa komentoi vendimin e Bashkimin Evropian për të mos i hapur rrugë çeljes së negociatave me Shqipërinë, e quajti absurde që Austria të moë qëndrojë në krah të Tiranës për t’u anëtarësuar në BE.

Nehammer theksoi se ka shumë sfida me të cilat vendet e Ballkanit Perëndimor të përballen, por nënvizoi rëndësinë e bashkëpunimit dhe besimit mes vendeve, teksa i bëri thirrje BE-së të mos përqendrohen te narrativa e vjetër.

“Takimi i Këshillit ishte diçka që më la shenjë dhe përpara mbledhjes në Këshill të liderëve të BE patëm konferencë të liderëve të Ballkanit. Çështja është komplekse. Ka shumë njerëz në Austri të cilët mendojnë se mund të venë në pikëpyetje angazhimin tonë dhe timin si kancelar për të përfshirë vendet e Ballkanit Perëndimor në BE.

Arsyeja e parë është për vendndodhjen tonë të biznesit, Ballkani Perëndimor është i rëndësishëm. Arsyeja e dytë është çështje sigurie, bashkëpunimi, shkëmbimi informacioni, krimi organizuar, trafikimi që s’njohin kufij. Duhet t’i besojmë njëri-tjetrit. Gjëja më e madhe është të shkëmbejmë informacion. Arsyeja tjetër është kultura, afërsia me ne, na bën bashkë. Ne mund të jemi krenar për këtë, na pasuron.

Sa absurde do ishte që një kancelar austriak nuk do rrinte krah Shqipërisë për tu bërë pjesë e Europës. Ne mbështetëm pavarësinë e Shqipërisë, kjo na sjell dhe më afër e tregon sa pranë njëri-tjetrin jemi. Kaq shumë ndodhura gjatë kohës, por lidhja e fortë që vjen nga histori, gjithmonë kemi qenë aleatë. Të mos mbetemi në narrativen e vjetër. Historia e Austrisë karakterizohet nga përjetimi i uljeve e ngritjeve, kemi parë fitore e disfata. Dhe sa kohë duhet për këtë. BE duhet të shohë se sa i madh është përparimi që keni arritur dhe njerëzit janë kaq të dëshpëruar se nuk është e ndershme që të përzihen gjërat me njëra-tjetrën”, deklaroi kancelari austriak.

Kancelari austriak iu drejtua me një thirrje edhe qeverisë Maqedonisë së Veriut. Nehammer tha se RMV duhet të shqyrtojë propozimin francez për të parë nëse përputhet me kërkesat e tyre.

“Maqedonia e Veriut ka të drejtën ta shqyrtojë nëse ajo çka u votua në parlamentin bullgar është diçka me të cilën janë në rregull dhe duke folur për Maqedoninë e Veriut, ata kanë bërë gjithçka ka qenë e mundur për të arritur këtë progres, deri në ndryshimin e emrit të tyre. Kështu që, është detyrimi ynë për tu siguruar që ky proces të nisë njëherë e mirë”, tha Nehammer.