Flash News

“Shantazh ndaj protestës”, policia nis hetim për vlerësimet me ‘1 yll’ në Google ndaj miqve të Ramës

Vrasja e 55-vjeçares në Shkodër, çfarë dëshmoi autori pas arrestimit

Arsimi profesional, 18% e të diplomuarve as në punë as në shkollë

VIDEO-skandali në Sarandë/ Drejtori i AMP Vlorë dhe zyrtarët ngacmojnë se*sualisht turistet

“The New York Times” për koncertin e Ye: Si justifikon Rama 4.5 milionë dollarët e financimit

E-TJERA

Këmbim valutor pa licencë, Prokuroria e Beratit kërkon masa sigurie për 11 persona

Politiko 10 July 2026, 11:14

Këmbim valutor pa licencë, Prokuroria e Beratit kërkon masa

Prokuroria e Beratit ka kërkuar masat e sigurimit “Arrest në shtëpi” dhe “Detyrim për t’u paraqitur në policinë gjyqësore” për 11 persona, të cilët dyshohen se ushtronin aktivitet financiar pa licencën përkatëse.

Sipas organit të akuzës, hetimet e zhvilluara kanë zbuluar se në gjashtë subjekte tregtare, administratorët dhe punonjësit kryenin aktivitet këmbimi valutor pa autorizimin e organeve kompetente dhe pa licencë të lëshuar nga Banka e Shqipërisë.

Hetimi proaktiv, që zgjati rreth gjashtë muaj dhe u shtri në pesë bashki të qarkut Berat, dokumentoi aktivitetin e paligjshëm të shtetasve me inicialet S.T., H.S., M.M., S.H., S.C., A.H., A.S., O.V., Z.M., E.T. dhe K.P.

Sipas Prokurorisë, të hetuarit administronin biznese të regjistruara si agjentë për transfertat e parave në emër dhe për llogari të institucioneve financiare jobankare, duke ofruar shërbime si UnionNet dhe Western Union në Berat dhe Kuçovë. Megjithatë, subjektet nuk figuronin në listën e zyrave të licencuara për këmbim valutor dhe ushtronin këtë aktivitet në mënyrë të paligjshme.

Për të dokumentuar veprimtarinë, Prokuroria autorizoi kryerjen e veprimeve stimuluese dhe regjistrimeve të fshehta fotografike e filmike. Gjatë hetimit u realizuan 28 transaksione testuese të këmbimit valutor, të cilat, sipas organit të akuzës, provuan se aktiviteti kryhej pa licencën e kërkuar.

Në përfundim të hetimeve, Prokuroria kërkoi ndaj 11 të dyshuarve masat e sigurimit “Arrest në shtëpi” dhe “Detyrim për t’u paraqitur në policinë gjyqësore”, ndërsa gjatë kontrolleve u sekuestruan rreth 88 milionë lekë, 118 mijë euro, 7,390 dollarë amerikanë dhe 665 paund britanikë.

Të fundit