Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kombet e Bashkuara: një përvjetor, një pyetësor dhe disa sfida

Politiko 7 Nëntor 2020, 14:46

Kombet e Bashkuara: një përvjetor, një pyetësor dhe disa

Alfred Lela

Kam plotësuar së fundmi një pyetësor të Kombeve të Bashkuara, të cilat këtë viti festojë 75 vjetorin e themelimit. Nënteksti i pyetjeve dukej se ‘fshihte’, sa merakun apo shqetësimin e pandemisë Covid-19, aq edhe vetë ekzistencializmin e organizatës në fjalë. Nëse pandemia i bëri shumë të shtrojnë pyetjen: çfarë vlere ka ekzistenca jonë, e cila anullohet sa hap e mbyll sytë nga një virus? OKB me sa duket ka zbuluar gjithashtu fuqinë e vet të penguar për të zgjidhur problem të tilla globale që mbërrijnë me forcën e cunamit.

Por, te pafuqia shpesh gjendet fuqia e idesë dhe e aksionit.

OKB, në fund të pyetësorit, kërkonte një mendim apo ide për Sekretarin e Përgjithshëm, mbi atë se cili duhej të ishte aksioni ku ai mund të përqendronte vëmendjen. Duke jetuar këtë kohë të pandemisë globale, hamendësimi se cilat mund të ishin sugjerimet lidhet ngushtë me shëndetësinë.

Pandemia u bëri me dije vendeve të fuqishme, ashtu dhe atyre të varfra se sa afër kolapsit janë. Se sa të (pa)përgatitura janë për të përballuar globalizimin e një sëmundjeje. Pandemia zbuloi një paradoks të botës shkencore: pavarësishit shumë shpikjeve, ilaçi për të papriturën nuk është zbuluar ende. Edhe pse Covid-19 ishte një koronavirus, i së njëjtës familje me SARS-in, sërish befasia dhe pështjellimi shkaktuar prej vërshimit të tij e kapi botën në gabimet e një fillestareje.

Pandemia zbuloi edhe atë që multikulturalizmi nuk e kishte shuar dot: hendekun mes kombeve dhe vendeve të ndryshme. Bashkë në kompeticione sportive apo artistike, bota u tkurr te shtetet-kombe sapo një fatkeqësi e përbashkët i sulmoi të gjithë. Vetëm pasi heshtën boritë e alarmit kombëtar filluan të tingëllojë zilet e solidaritetit global.

Shëndetësia, mjedisi dhe hapësira kibernetike (IA, pirateria, privatësia, zhvendosja e fuqisë punëtore etj) duket se do të jenë sfidat e OKB të paktën për 25 vitet e ardhshme. Në një botë me shpejtësi të ndryshme zhvillimi, dmth me pabarazi, njëjtësimi i këtyre problematikave duket i padrejtë, por efekti zinxhir i çdo prapambetjeje dhe çdo mbizhvillimi do të jetë aty.

Kombet nuk do të jenë të bashkuara, siç parashtron emri i organizatës në fjalë, por ato do të jenë të vetme përballë fatkeqësive të përbashkëta nëse uniteti nuk kthehet në strategji.

Strategji e cila duhet ndihmuar edhe nga ne, qytetarët e këtyre kombeve: duke dhënë ide dhe vullnetarizëm.