Flash News

Protestë kundër Ramës edhe në Berlin

Siguri e shtuar për vizitën e Ramës në Vlorë

Aksidentohet urbani te Gjykata e Tiranës, disa të lënduar

Qytetari i vë thikën në qafë policit të Rrugores

Protesta e bukur e shëmtuar

E-TJERA

Konfiskohen 7 pasuri në Lezhë, dyshohet se janë përfituar nga veprimtari kriminale

Politiko 22 Tetor 2025, 16:33

Konfiskohen 7 pasuri në Lezhë, dyshohet se janë përfituar

Policia ka konfiskuar 7 pasuri të paluajtshme të llojit “arë”, me një sipërfaqe totale prej 15 028 m², të ndodhura në bregun e lumit Drin dhe në fshatin Ishull Shëngjin.

Konfiskimi u krye në zbatim të vendimit të Gjykatës së Posaçme Kundër Korrupsionit dhe Krimit të Organizuar (GjKKO) të vitit 2021, i cili është lënë në fuqi nga vendimi i Apelit të Posaçëm në vitin 2022.

Sipas Policisë së Shtetit, pasuritë dyshohet se janë përfituar përmes veprimtarisë kriminale.

 Njoftimi:

Në kuadër të zbatimit të vendimeve të formës së prerë të Gjykatës së Posaçme, janë konfiskuar 7 pasuri të paluajtshme në qarkun e Lezhës, me një sipërfaqe totale prej 15,028 metrash katrorë. Pasuritë janë të kategorisë “Arë” dhe ndodhen në bregun e lumit Drin dhe në fshatin Ishull Shëngjin.

Konfiskimi është kryer nga specialistët e Seksionit për Hetimin e Krimeve Ekonomiko-Financiare të DVP Lezhë, në bashkëpunim me Agjencinë e Administrimit të Pasurive të Sekuestruara dhe të Konfiskuara, dhe vjen në zbatim të vendimit të Gjykatës së Posaçme Kundër Korrupsionit dhe Krimit të Organizuar (GjKKO) të vitit 2021, të lënë në fuqi nga Gjykata e Apelit për Korrupsionin dhe Krimin e Organizuar në vitin 2022.

Sipas autoriteteve, këto pasuri dyshohen se janë përfituar përmes veprimtarive kriminale, ndaj janë vendosur në dispozicion të shtetit.

Nga 7 parcelat e konfiskuara, 2 ndodhen në bregun e lumit Drin, një zonë me potencial të lartë zhvillimi, ndërsa 5 të tjera në Ishull Shëngjin, një zonë bregdetare gjithashtu e vlerësuar për interes turistik dhe ekonomik.

Të fundit