Flash News

Konflikt mes të rinjve në Fushë-Krujë, 22-vjeçari plagoset me thikë

Koncerti i Kanye West me fondet e shtetit, OCCRP: Qeveria e përdori për të sfumuar protestat

Defekt në tragetin e linjës Durrës-Bari, bllokohen rreth 100 pasagjerë

Ja sa vite burgim u kërkuan për nënën e Monikës

“Sy të nxirë e flokë të shkulur”/ Babai i 17-vjeçares së dhunuar: Policia nuk mori masa

E-TJERA

Kontrabandë me jaht luksoz: 20 shqiptarë kapen në Kanalin Anglez

Politiko 20 April 2025, 15:31

Një rast i ri i kontrabandës së emigrantëve ka tronditur autoritetet britanike, teksa një jaht luksoz është përdorur për të transportuar ilegalisht shtetas shqiptarë drejt Mbretërisë së Bashkuar. Sipas mediave britanike, mjeti lundrues një Beneteau Oceanis Clipper 343 është ndaluar nga Forcat Kufitare në Kanalin Anglez gjatë rrugës për në Newquay, në bregun jugor të Anglisë, pasi kishte lundruar nga Brest, Francë.

Gjatë kontrollit, oficerët zbuluan 20 persona të fshehur në jaht, të gjithë të dyshuar si shtetas shqiptarë. Mes tyre ishin 19 burra dhe një grua, të cilët janë arrestuar në pritje të largimit nga vendi.

Jahti i përdorur për udhëtimin është përshkruar në internet si një mjet lundrimi familjar, me dy kabina, gjashtë krevate dhe një banjë. Vlera e tij në tregun e përdorur varion nga 50,000 deri në 80,000 paund.

Autoritetet britanike raportojnë se bandat kriminale shqiptare po gjejnë metoda të reja për t’iu shmangur kontrolleve, sidomos pas marrëveshjeve të fundit për kthimin e shpejtë të emigrantëve, që kanë çuar në një rënie të ndjeshme të kalimeve përmes varkave të vogla.

Për këtë rast, është arrestuar dhe akuzuar Bledar Bega, 44 vjeç, me akuzën e lehtësimit të hyrjes së paligjshme në Britani. Ai është dërguar në paraburgim dhe pritet të dalë para Gjykatës së Truro më 13 maj.

Po ashtu, Florjand Lika, 30 vjeç, dhe Romeo Zani, 32 vjeç, janë akuzuar për shkelje të urdhrave të dëbimit. Të dy u deklaruan fajtorë në Gjykatën e Magjistraturës Bodmin më 15 prill dhe janë dërguar në paraburgim në pritje të dënimit në muajin maj, po në Truro Crown Court.

Ky incident nënvizon edhe një herë sfidën e vazhdueshme të autoriteteve britanike për të ndaluar rrjetet e trafikut të paligjshëm të njerëzve, në të cilat shqiptarët vazhdojnë të përfshihen në mënyrë të përsëritur.