Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kosova dhe Shqipëria ngrenë Sekretariat të përbashkët për realizimin e marrëveshjeve

Politiko 18 Tetor 2021, 12:14

Kosova dhe Shqipëria ngrenë Sekretariat të përbashkët

Ministrja e Jashtme Olta Xhaçka ka pritur sot homologen e saj nga Kosova Donika Gërvalla. Dy ministret mbajtën një konferencë të përbashkët ku bënë me dije edhe bashkëpunimin që do të ndërmarrë Shqipëria dhe Kosova.

Xhaçka dhe Gërvalla dakordësuan që Shqipëria dhe Kosova të ngrenë një Sekretariat të Përbashkët, i cili do të shërbejë për të realizuar marrëveshjet e nënshkruara deri tani. Dy ministret bënë me dije se Shqipëria dhe Kosova do të krijojnë pika të përbashkëta diplomatike në zona si Afrika dhe Azia, ku do të ketë edhe një bashkëpunim mes diplomatëve në ambasadat përkatëse.

Në fjalën e saj gjatë konferencës, Xhaçka theksoi se Shqipëria ka qenë avokatja më e mirë e Kosovës për të kritikuar Brukselin për liberalizimin e vizave.

“Biseduam për përmbushjen e detyrave të lëna nga takimi dy kryeministrave Rama-Kurti më 27 shtator, ku do të ngrihet një Sekretariat i përbashkët si një strukturë operative dhe do të jetë një mekanizëm efikas për ndjekjen dhe realizimin e marrëveshjeve të nënshkruara deri tani dhe që do të nënshkruhen në të ardhmen. Do të ketë shtim të diplomacive të përbashkëta në zona si Afrika dhe Azia dhe ndërthurja e punës së diplomatëve të Shqipërisë dhe të Kosovës në ambasadat ekzistuese. Kemi qene avokatja më e pakompromis për Kosovën, do të ngremë zërin për të dhe kemi lobuar dhe kritikuar hapur padrejtësisë që i është bërë Kosovës nga Brukseli për mos liberalizimin e vizave,” tha Xhaçka.

Ministrja e Kosovës Donika Gërvalla tha se Shqipëria dhe Kosova mund të kenë shumë tema të cilat mund t’i prekin dhe t’i diskutojnë për bashkëpunim. Ajo theksoi se Kosova e ka të qartë orientimin e saj në NATO dhe në BE, teksa bëri thirrje për kujdes ndaj gjuhës së ashpër të Serbisë.

“Do të bëjmë një bilanc të mirë të bashkëpunimit tonë dhe një strategji të qartë se ku duam ta shohim Kosovën dhe Shqipërinë në të ardhmen. Nuk ka tema që nuk mund të preket në bisedat tona dhe gjatë javëve të fundit gjuha e Serbisë është ashpërsuar shumë. Duhet të jemi të kujdesshëm që këtë paqe të brishtë që kemi në rajon ta forcojmë dhe të gjithë së bashku të ndikojmë që të mos cenohet stabiliteti. Kosova e ka të qartë orientimin në BE dhe NATO dhe është skeptike ndaj koncepteve konkurruese ndaj BE,” tha Gërvalla.