Flash News

Përplasen 4 makina në Fier, dy persona të lënduar

Mbante armë në banesë! Arrestohet një person në Maliq

BIRN: Kuvendi rinis punën duke i hequr fjalën opozitës

Kontrolle në burgun e Durrësit, kapen 10 celularë, i përdornin të dënuarit

Parlamenti i ri/ 82 deputetët që do të mungojnë nga shtatori

E-TJERA

Krahasimi/ Si duhet kuptuar mesazhi amerikan për zgjedhjet

Politiko 28 Maj 2025, 14:37

Krahasimi/ Si duhet kuptuar mesazhi amerikan për zgjedhjet

Njoftimi i ambasadës amerikane për zgjedhjet e 11 majit ka ngjallur polemika të shumta. Mbështetësit e qeverisë e konsideruan atë në kor si një çertifikim të zgjedhjeve ndonëse aty as nuk urohej Edi Rama apo kabineti i tij, por përmendej vetëm populli shqiptar.

Pikërisht të njëjtin fakt, komentuesit pranë opozitës e përkthyen si një distancim nga kjo qeverisje shefi i së cilës as nuk urohej as nuk ekzistonte në tekst.

Madje ata bënë edhe një krahasim me deklaratën e Departamentit të Shtetit në kohën që e uronte Ramën për fitoren historike të mandatit të tretë.

Në raport me atë që u tha në zgjedhjet e 2021 mesazhi qe i thatë dhe shumë më i zbehtë e i tërhequr.

 “Urojmë popullin e Shqipërisë për zgjedhjet parlamentare dhe presim të vazhdojmë partneritetin tonë të ngushtë me Shqipërinë”, shkruante ambasada. 

Për të kuptuar më mirë domethënien e këtij mesazhi është mirë që ai të krahasohet dhe vihet në kontekst.

Lapsi.al ka zgjedhur ta krahasojë atë me mesazhin amerikan për zgjedhjet presidenciale në Rumani, që u zhvilluan menjëherë pas tonave. Duhet ditur se në këto zgjedhje fitoi një kandidat anti Trumpist dhe se zv presidenti amerikan Vance i kritikoi ato në fjalimin e Mynihut, si refuzim të elitave për të dëgjuar zërin e popullit.

Por me gjithë këto divergjenca  ambasada e SHBA në Bukuresht njoftoi të martën, një ditë pas përfundimit zyrtar të numërimit të votave në zgjedhjet presidenciale rumune, se ata mezi presin të bashkëpunojnë me presidentin e ri, Nicușor Dan, si dhe me qeverinë e re që do të instalohet. Pra ambasada e Bukureshtit ndryshe nga ajo e Tiranës që përgëzoi popullin, iu drejtua me emër fituesit.

„Mezi presim të bashkëpunojmë me Nicușor Dan, si President i Rumanisë, dhe me qeverinë e re, për të promovuar prioritetet tona të përbashkëta, si mbrojtja, energjia dhe partneritetet tregtare,” shkruan zyrtarët e përfaqësimit diplomatik të Shteteve të Bashkuara në Rumani në Facebook. Mjafton edhe ky krahasim i thjeshtë për të kuptuar diferencën. /Lapsi.al/

Të fundit