Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kur partia vdes edhe prej teje!

Politiko 2 Prill 2026, 12:29

Nga Irena Beqiraj

Në parti e politikë njerëzit mësojnë të ndahen , pasi me kalimin e kohës, tensioni midis asaj që ndihet dhe asaj që mund të flitet, bëhet fusha e vërtetë e gravitetit të partisë. Të shumtët rrotullohet rreth gënjeshtrës, duke pretenduar se ajo është dielli.

Sa më në qendër të tavolinës e afër Kryetarit, aq më pak e vënë re drejtuesit e saj se sallat e mbledhjeve të partisë mbushen me njerëz, shenja kryesore dalluese e të cilëve është pamundësia ( kursesi paaftësia) për të peshuar idetë. Me burra e gra mendimi i të cilëve rrotullohet vetëm rreth sigurimit të një vendi në "klubin e të besuarve të kryetarit". Njerëz të pushtuar nga emocionet ku emocioni dominues është frika. Njerëz "të braktisur" njëherë e mirë nga instikti I rebelimit i cili është themeli i ndërgjegjes së njeriut, burimi i humanizmit të tij dhe mjeti i evolucionit të tij. Ata pranojnë pa asnjë hezitim që brenda partisë marrëdhëniet njerëzore të bëhen transaksionale, ku besnikëria është monedhë edhe mospajtimi rreziku më i madh.

Vetëm kur ulen në fund të sallës, e shkarkohen nga pozicionet drejtuese si "Zhukovi në ajër " drejtuesit e lartë të partisë bëhen të vemendshëm për "humbjen e shpirtit" , braktisjen e meritokracisë apo ekzistencën frikës. Por përpjekja për ta ringjallur debatin përmes bisedës së ndershme, brenda organizatës përjetohet si agresion, sepse tanimë e vërteta aty brenda barazohet me kërcënimin.

Pak janë fajtorë, por të gjithë janë përgjegjës. Të gjithë janë përgjegjës që takimet e destinuara për të diskutuar problemet u transformuan në heshtje si shfaqje harmonie, që kritikat mbi mënyrën sesi gjeni librash a kursantë Harvardi katapuktoheshin në majat e drejtimit të partisë pa qenë asnjë ditë në parti, lexoheshin si zili e cmirë ndaj suksesit. Janë përgjegjes për fjalimet me fraza rrethore që tingëllonin të menduara, por që nuk thonin asgjë fare, për fjalët që zgjidheshin jo për të komunikuar, por për të kontrolluar interpretimin.

E pra të gjithë janë përgjegjes që partia nuk ka me asnjë mekanizëm balance , ku kontributi politik i cili u jepte antarëve të qeverisë ose forumeve drejtuese te partisë një lloj autoriteti apo autonomie në mendim nga Kryetari nuk ekziston më. Kontributi politik është zëvendësuar nga gatishmëria për të marrë përgjegjesi pa patur autoritet politik si forma më e përhapur e skllavërisë moderne.

Kur ulesh në fund të sallës , këmbët të prekin tokën, sytë e ndërgjegjes edhe mendjes hapen , edhe shikon qartazi se nuk je më pjesë e një organizimi vullnetar politik por e turme pa pikëpamje thelbësore, e cila është shtylla kurrizore e autokracisë personaliste .

Aty e kupton edhe partia ka vdekur edhe prej teje .....