Flash News

PD mbledh sot Këshillin Kombëtar, në rend dite zgjedhja e strukturave të reja drejtuese

Gjendet i pajetë 28-vjeçari shqiptar në Britani

Apeli konfirmoi 16 vite burgim për Mario Përlleshaj, reagon babai i Martin Canit: Donim dënim më të rëndë, por…

“Skifterët” zbresin në bregdet, tentohet grabitja e të moshuarit në Borsh, 3 të arrestuar

Shtrenjtohen sërish çmimet e karburanteve

E-TJERA

Mane dhe Kastrati blejnë dy televizione, ekspertët në ‘Politiko’: Media i shërben pronarit, jo publikut

Politiko 15 April 2022, 21:13

Mane dhe Kastrati blejnë dy televizione, ekspertët në

Biznesmeni i fuqishëm, i lidhur politikisht, Shefqet Kastrati, ka hyrë në tregun e mbingopur mediatik të Shqipërisë me blerjen të hënën të Euronews Albania, duke ndjekur hapat e Samir Manes, i cili bleu TV SCAN muajin e kaluar.

Kjo temë po diskutohet sonte nga ekspertët e medias në emisionin ‘Politiko’ në Top News.

Ata thonë se këto nuk janë rastet e para ku oligakët hyjnë në media, ndërsa shtojnë se në vendin tonë në shumë raste media i shërben pronarit dhe jo publikut.

Julian Zylo: Nuk besoj se kemi të bëjmë me personat e parë të pasur që investojnë në media. Nuk ka konotacion negativ. Edhe media tjera zotërohen nga njerëz që konsiderohen ndër më të pasurit në vend. Më mirë i pasur me media se të bëhesh i pasur me media. Nuk i shmangemi dot rregullave të tregut të lirë. Me rëndësi është që media të përdoret për të bërë gazetari.

Koloreto Cukali: Oligarkët dhe të pasurit nuk janë e njëjta gjë. Oligarkët kanë marrë asete, për ta nuk flitet në perëndim, vodhën se kanë lidhje të caktuara e janë të lidhur me afera, qeverinë e PPP. Respekt për këdo që ka bërë pasuri duke punuar, unë njoh prej tyre.  

Ai që ka median nuk ka lidhje me gazetarinë. Ai që ka një tv ka edhe disa biznese të lidhura me qeverinë. Ndaj është bërë informacioni i pabesueshëm në vend sepse media i shërben pronarit dhe jo publikut në Shqipëri. Ky është problemi më i madh i Shqipërisë dhe rajonit. Në media rëndësi ka të investigohet e vërteta dhe jo të behet lajmi në ‘live stream’ i Edi Ramës.

Arlind Qori: Për mua duhet të na shqetësojë prania e oligarkëve në ekonominë shqiptare. Ata që kontrollojnë burimet kryesore të ekonomisë, është shqetësuese. Janë 10-15 njerëz kontrollojnë edhe partitë. Prania e oligarkëve në jetën ekonomike, politike për mua është akt shqetësues. Mediat janë aparate ideologjike në shoqëri, imponojnë edhe kufizime se c’duhet bërë.

Yzeiri: Tregu i mediave është atraktiv, blerja është e hapur. Duhet të gëzohemi që investitorët shqiptarë bëjnë tratativa të tilla në treg, nuk shoh gjë të keqe. Problemi i medias nuk është vetëm i yni. Ne jemi në gjendje të shthurur të lirisë së medias.

Të fundit