Flash News

Sot seanca në Gjykatën e Fierit, Salianji kërkon lirimin me kusht

Taksia përplaset me kamionin në aksin Lezhë-Shkodër, drejtuesi niset në gjendje të rëndë te Trauma

Të paktën 91 të vdekur nga përmbytjet në Teksas

Gjendet një trup i dekompozuar në Kolonjë, dyshimet e para

Aksident në Sarandë, makina përplas motorin, një i plagosur

E-TJERA

Mbërrijnë 20 autobusët e parë elektrikë në Tiranë, do futen në qarkullim brenda Gushtit

Politiko 24 Korrik 2021, 17:09

Mbërrijnë 20 autobusët e parë elektrikë në

20 autobusë elektrikë do të futen në qarkullim brenda muajit gusht në linjën e re të Unazës në Tiranë. Autobusët janë prezantuar këtë të shtunë nga Bashkia e Tiranës në sheshin "Nënë Tereza".

Mësohet se investimi do të kompletohet gradualisht edhe me 22 mjete të tjera. Autobusët e rinj ekologjikë vijnë në kuadër të një marrëveshjeje ndërqeveritare të nënshkruar midis Gjermanisë dhe Shqipërisë për financimin e projektit “Transporti i Gjelbër i Tiranës”.

Kryetari i Bashkisë së Tiranës, Erion Veliaj e cilësoi këtë investim si një modernizim të transportit publik të Tiranës, teksa shtoi më tej se një aktivitet i ngjashëm po ndodh sot edhe në Suedi, ku sapo është futur linja e gjelbër e transportit publik.

"Sot hedhim një hap të paprecedentë dhe ndoshta jemi të parët në rajonin tonë me një flotë të gjelbër, diçka që kemi premtuar dhe më vjen mirë që e bëjmë realitet. Është një proces i modernizimit të transportit publik të Tiranës, të nisur që nga koha e Edi Ramës, i lënë pezull 4 vite, dhe sot falë një pune titanike është bërë realitet.

Sot jemi në një situatë që ndotja është bërë temë kryesore. Nuk ishte kështu dikur. Por teksa pamë çfarë ndodh kur ka thatësirë, me përmbytjet, tërmetet, pandeminë, teksa pamë çfarë ndodhi edhe në Gjermani, kjo linjë sot është edhe një lloj paqeje që kemi me natyrën.

Jemi në të njëjtin hap me shumë qytete të Suedisë dhe shumë përpara disa qyteteve të Ballkanit, por duhet ta ruajmë këtë ambicie deri në fund. Sot kemi flotën e parë elektrike, por janë 6 apo 7 kompani që 50% të mjeteve i kanë elektrike. Nëse vijojmë në këtë drejtim, besoj se do të kemi qytetin me 100% taksi elektrike. Në të gjithë itinerarin e 13.2 km kemi zero ndotje të prodhuar si nga këta autobusë, ashtu edhe nga taksitë elektrike të Tiranës, apo flota elektrike e Policisë Bashkiake. Më vjen mirë që shoh gjithnjë e më shumë kompani, banka, kompani pijesh, që po e transformojnë flotën e tyre në elektrike,” u shpreh Veliaj.

Për herë të parë në Tiranë autobusët elektrikë u testuan në vitin 2017, por ky projekt u la pezull për katër vite. Tashmë autobusët hibridë do përdoren në 66 stacione.

Të fundit