Konstituohet komisioni ‘Meta 2’, deputetët 3 javë kohë për të faktuar shkeljet e presidentit

Një ditë pasi ka marrë votat e nevojshme në kuvend, Komisioni Hetimor për shkarkimin e presidentit Ilir Meta ka nisur punën.

Gjatë mbledhjes së parë u caktua sekretare Klotilda Bushka, si dhe u miratua plani paraprak hetimor, ku do bazohen anëtarët për të hetuar presidentin nëse ka patur ose jo shkelje të Kushtetutës, sipas kërkesës së 49 deputetëve socialistë.

Plani do bazohen te deklaratat publike të Metës dhe do të hetohet nëse ka cenuar imazhin e vendit dhe nëse kanë ndikuar në marrëdhëniet me SHBA.

Puna hetimore zgjat tre javë, por nëse kërkohet më shumë kohë nga anëtarët, do të shtyhet por 8 korriku është afati përfundimtar ku komisioni duhet të jetë paraqesë në Kuvend raporti zyrtar të hetimit.   

Kryetari i Komisioni Alket Hyseni tha në nisje të seancës se kjo është një mbledhje konstituive teksa më pas u ndal tek qëllimi i ngritjes së këtij komisioni dhe detyrat.

“Do të bazohemi vetëm mbi detyrimin tonë Kushtetues, rregulloren  e Kuvendit dhe ligjet e Komisionit të Ligjeve. Objektivi përcaktohet nga vendimi i parlamentit për ngritjen e këtij Komisioni mbi kërkesën e deputetëve. Meta nuk u paraqit në Komisionin e Ligjeve, më tej Komisioni paraqiti raportin Kuvendit për hetimin nëse aktet dhe deklarata e Metës para, gjatë dhe në heshtjen zgjedhore janë në shkelje të Kushtetues, nëse ka nxitur urrejtje dhe dhune. Do i qëndrojmë strikt objektit të punës”, tha Hyseni.

Ndër ë tjera, një nga anëtarët e Komisionit Hetimor për shkarkimin e Metës, Spartak Braho ka kërkuar që si provë të merren jo vetëm deklaratat me shkrim, por edhe ato me video.  

“Ne nuk duhet të prononcohemi për mediat, që presidenti është kështu apo ashtu, Të caktohet dikush që të flasë për mediat. Të mos merren për bazë vetëm deklaratat me shkrim, por edhe me video”, tha Braho.

Ngritja e komisionit hetimor u votua një ditë më parë me 97 vota në parlament dhe vetëm tre javë kohë.

Përbërja e komisionit është: Kryetar: Alket Hyseni; Nënkryetar Myslym Murrizi; Sekretar: Klotilda Bushka; Anëtarët Vasilika Hysi, Elena Xhina, Spartak Braho, Halil Jakimi, Nikolin Staka, Arlind Çarçani; Zëvendësues: Ermonela Felaj, Xhemal Qefalia dhe Eugen Bojaxhi.