Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Mbledhja e përbashkët e qeverive Kosovë-Shqipëri, mbahet më 26 Nëntor

Politiko 22 Nëntor 2021, 11:33

Mbledhja e përbashkët e qeverive Kosovë-Shqipëri, mbahet

Mbledhja e përbashkët mes qeverisë së Kosovës dhe qeverisë Shqipërisë, do të mbahet më 26 Nëntor. Kjo është mbledhja e shtatë që mbahet mes dy qeverive.

Lajmi është bërë i ditur nga Zyra e Kryeministrit në Kosvës, tre ditë më parë pasi takimit të kryeministrit Albin Kurti me ministrin e Brendshëm të Shqipërisë Bledi Çuçi, ministrin e Punëve të Brendshme në Kosovë Xhelal Sveçla dhe ambasadorin e Kosovës në Shqipëri Qemal Minxhozi.

“Në këtë takim të sotëm, që u mbajt një javë para mbledhjes së shtatë të përbashkët të Qeverisë së Republikës së Kosovës dhe Qeverisë së Republikës së Shqipërisë, e cila do të mbahet me 26 Nëntor, u bisedua edhe për marrëveshjet e deritanishme në mes dy vendeve tona dhe ato potenciale të reja në fushën e sigurisë”, thuhet në njoftimin e qeverisë së Kosovës.

Ashtu sikurse e thotë edhe Zyra e Kryeministrit, gjatë takimit është diskutuar bashkëpunimi i deritanishëm mes dy vendeve, në fushën e sigurisë.

“U bisedua edhe për marrëveshjet e deritanishme në mes dy vendeve tona dhe ato potenciale të reja në fushën e sigurisë. Kryeministri Kurti dhe ministri Sveçla u shprehën vullnetplotë për intesifikimin dhe fuqizimin e marrëdhënieve në mes dy shteteve në fushën e sigurisë, si fushë e interesit të përbashkët”, thuhet në njoftim.

Prej vitit 2014, qeveritë e Kosovës dhe Shqipërisë zhvillojnë takime të përbashkëta me qëllim diskutimin dhe analizimin e marrëveshjeve të nënshkruara mes tyre, si edhe zbatimin për të forcuar bashkëpunimin e ndërsjellë në fusha të ndryshme.

Shpesh qeveritë janë kritikuar, për faktin se marrëveshjet mbeten vetëm në letër, dhe e gjejnë shumë pak hapësirën për t’u zbatuar.

Të fundit