Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Mediat e huaja, jehonë protestës për vrasjen e 25-vjeçarit nga efektivi i policisë në Tiranë

Politiko 10 Dhjetor 2020, 14:14
Mediat e huaja, jehonë protestës për vrasjen e 25-vjeçarit
Momente nga protesta e 9 dhjetorit në kryeqytet

Mediat e huaja i kanë kushtuar vëmendje të gjerë protestës së zhvilluar mbrëmjen e djeshme në Tiranë, ku qindra qytetarë u mblodhën në Tiranë të revoltuar pas vrasjes së 25-vjeçarit, Klodian Rasha nga ana e një efektivi policie.

Përmes një artikulli, Reuters ka vënë në dukje, përdorimin një gazi lotsjellës nga Policia ndaj protestuesve të mbledhur përpara Kryeministrisë në Tiranë. Agjencia e lajmeve shkruante se "shqiptarët protestojnë pasi policia qëlloi për vdekje një burrë për shkelje të shtetrrethimit të koronavirusit.

Policia (shqiptare) përdori gaz lotsjellës të mërkurën vonë për të shpërndarë qindra shqiptarë që protestonin për vrasjen nga policia të një të riu për të cilin autoritetet thanë se kishte shkelur një shtetrrethim brenda ditës të vendosur për të ndaluar përhapjen e koronavirusit.

Protestuesit që po kërkonin dorëheqjen e Ministrit të Brendshëm hodhën objekte në ministrinë e tij dhe i vunë flakën pemëve të Krishtlindjes ndërsa policia përdori gaz lotsjellës për të shpërndarë turmën”, thuhej ndër të tjera në artikullin e Reuters.

Ndërkaq, DailyMail, përmes një video të publikuar bën një përmbledhje të asaj që ka ndodhur gjatë dy ditëve të fundit, për të mbërritur tek momenti i protestës së dhunshme në shesh, ku pati përplasje me policin dhe u dogj dhe pema e Krishtlindjes.

BBC thekson se qindra tubues u mblodhën në rrugë e Tiranës pasi pretendimeve se policia e vrau të riun sepse shkeli orën policore, të vendosur si masë kundër pandemisë së koronavirusit.

Më tej, Euronews, ka raportuar se 25-vjeçari Klodian Rasha u qëllua për vdekje pranë shtëpisë së tij në Tiranë pasi nuk iu përgjigj thirrjeve të policisë për të ndaluar.

Kujtojmë se, 25-vjeçari Klodian Rasha humbi jetën më 8 dhjetor, pasi qëllua me armë zjarri nga një efektiv policie, sepse nuk i ishte bindur urdhrit të patrullës policore për të ndaluar.

Ngjarja ndodhi në zonën e Laprakës, në rrugën “Dritan Hoxha” rreth orës 1:45 të mëngjesit. Efektivët i kanë bërë thirrje për të ndaluar që në zonën e Don Boskos, por ai është frikësuar dhe ka vendosur që të largohet me vrap. Në një moment, në ndjekje e sipër i riu është qëlluar dhe vetëm 100 metra larg banesës së tij.

Të fundit