Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Merkel në Tiranë për "porositë e fundit" për Ballkanin Perëndimor; axhenda dhe rrugët që do të bllokohen

Politiko 14 Shtator 2021, 08:29

Merkel në Tiranë për "porositë e fundit" për

Kancelarja gjermane Angela Merkel do të vizitojë sot Tiranën, një ditë pasi shkoi në Serbi. Ajo do të mbledhë në kryeqytetin shqiptar të gjithë kryeministrat e Ballkanit Perëndimor. Takimi vjen në kuadër të "Procesit të Berlinit".

Ajo do të pritet me një ceremoni te Pallati i Brigadave, ku në orën 10.30 do të takohet "kokë më kokë" me kryeministrin Edi Rama. Temat që u diskutuan në Serbi ishin zhvillimet politike, ekonomike dhe integrimi europian. Pritet që të njëjtat zhvillime të jenë në fokus dhe të takimit me Ramën.

Më pas do të ketë një takim bilateral mes dy delegacioneve. Kancelarja do të zhvillojë takime dypalëshe dhe me krerët e qeverive të Kosovës, Bosnjë dhe Hercegovinës, Malit të Zi dhe Maqedonisë së Veriut.

Në orën 14.35 pritet konferenca e përbashkët e Merkelit dhe Ramës. Vizita e kancelares do të zhvillohet nën masa të rrepta sigurie. Disa segmente rrugore në Tiranë do të bllokohen ose devijohen, konkretisht në Rinas-Unaza e Re, Sauk, Rruga e Elbasanit deri tek Pallati i Brigadave.

Policia e Shtetit kërkon mirëkuptimin e drejtuesve të automjeteve që të shmangin lëvizjen në këto segmente rrugore, me qëllim moskrijimin e mbingarkesës në trafik nga ora 09:00 deri në orën 13:00 të datës 14 shtator, si dhe të përdorin rrugë alternative për të shkuar në destinacionet e tyre.

Kjo është vizita e fundit e Merkel jashtë Gjermanisë, para se të largohet nga posti i saj. Merkel do t'ju japë "porositë" e fundit liderëve të Ballkanit Perëndimor. Një ditë më parë ajo i bëri të qartë Serbisë se pa zgjidhur çështjen me Kosovën, nuk do të ketë anëtarësim në BE.

Të fundit