Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Meta kujton ditën e lindjes së Dritro Agollit: Na mungon! Ishte një derë e hapur ku gjeje një mik të mençur

Meta: Shkrimtari na mungon fizikisht të gjithëve, me librat e tij do të jetë përherë gjallë midis nesh

Politiko 13 Tetor 2020, 09:34

Meta kujton ditën e lindjes së Dritro Agollit: Na mungon! Ishte

Presidenti Ilir Meta ka kujtuar 88-vjetorin e lindjes së shkrimtarit të njohur, Dritro Agolli. Përmes një postimi në rrjetet sociale, Meta ka vlerësuar figurën e shkrimtarit dhe politikanit, duke thënë se ishte një derë e hapur ku gjeje një mik të mençur e të gjendur.

“Dritëroi ynë dritëron gjithmonë!”, shprehet Presidenti, teksa shton se ai na mungon fizikisht sot të gjithëve, por do jetë përherë midis nesh, me librat e tij.

Postimi i presidentit Ilir Meta:

Dritëroi ynë dritëron gjithmonë!

Thellësia e mendimit, këshillat e mençura, forca e karakterit, urtësia, e në veçanti kurajoja për t’u ballafaquar me padrejtësinë janë një pasuri e madhe që ai na la të gjithëve, së bashku me kryeveprat artistike, ngahera aktuale, frymëzuese dhe shumë të dashura.

Dritëroi ishte një derë e hapur ku gjeje një mik të mençur e të gjendur. Ai ishte dhe do të mbetet i të gjithëve, prezent në çdo kohë me idetë e tij, në art, kulturë, letërsi dhe politikë, sepse forca e talentit, karakterit dhe fuqia e mendimit i buronte nga populli dhe madhështia e të qenit në radhë të parë njeri modest dhe i thjeshtë, pranë halleve e problemeve të bujkut, fermerit, punëtorit dhe shqiptarit patriot, gjithmonë i pari për t’u “përleshur” me padrejtësinë, arrogancën, megalomaninë, burokratizmin dhe presionet e pushtetit.

E kush do ta mendonte se “Shkëlqimi dhe rënia e shokut Zylo” do të ishte edhe sot kaq prezente si fabul në administratën shtetërore, ku ende e gjen edhe Zylon edhe Demkën.

Sot në ditën e tij të lindjes, Dritëroi na mungon fizikisht të gjithëve. Por ai do të jetë përherë i gjallë midis nesh, në çdo raft librash, në kujtimet e paharruara që la pas dhe në çdo këshillë të vyer që na dha ne miqve të tij!

Të fundit