Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Sulmi rus në Ukrainë, Meta pas mbledhjes së Këshillit të Sigurisë: Diskutuam masat që do merren me partnerët

Politiko 24 Shkurt 2022, 19:38

Sulmi rus në Ukrainë, Meta pas mbledhjes së Këshillit

Presidenti i Shqipërisë Ilir Meta ka mbajtur një konferencë për mediat pas mbledhjes me Këshillin e Sigurisë Kombëtare, lidhur me sulmin rus mëngjesin e sotëm në Ukrainë.

Meta e cilësoi sulmin e Rusisë ndaj Ukrainës të pajustifikueshëm dhe një shkelje të rëndë ndërkombëtare. Ai tha se në këtë mbledhje diskutuan masat që do të ndërmerren në koordinim të plotë me partnerët ndërkombëtar.

“Këshilli diskutoi mbi të gjitha masat që do të ndërmerren për të adresuar këtë situatë, në koordinim të plotë me aleatët dhe partnerët, si sa u përket angazhimeve tona ndërkombëtare, ashtu edhe në raport me sigurinë në vendin tonë dhe në rajonin e Ballkanit Perëndimor.

Me këtë rast, edhe një herë, dënoj me ashpërsinë më të madhe sulmin ushtarak të Rusisë kundër Ukrainës, shtet i pavarur dhe sovran.

Ky përshkallëzim i paprovokuar dhe i pajustifikueshëm përbën shkelje të rëndë të së drejtës ndërkombëtare, Kartës së OKB, Marrëveshjes së Minskut, Memorandumit të Budapestit, dhe minon sigurinë dhe paqen në mbarë Europën.

Si President i Republikës dhe në emër të popullit shqiptar, shpreh dhembjen e thellë për jetët e humbura gjatë këtij sulmi, dhe uroj shërim të shpejtë për të plagosurit. Në këto momente dramatike, shpreh gjithashtu solidaritetin e plotë me popullin e Ukrainës, dhe institucionet e saj demokratike.

Republika e Shqipërisë, si vend anëtar i NATO, dhe anëtar jo i përhershëm i Këshillit të Sigurimit të OKB-së, u bashkohet thirrjeve të Aleancës dhe të bashkësisë ndërkombëtare drejtuar Rusisë për të braktisur menjëherë këtë rrugë të dhunës dhe agresionit, të respektojë të drejtën ndërkombëtare humanitare, dhe të kthehet në rrugën e dialogut.

Shqipëria qëndron në unison me NATO dhe BE, dhe do të zbatojë të gjitha angazhimet e mara në kuadër të politikës së jashtme dhe sigurisë së përbashkët.

Bashkë me Aleancën dhe Bashkimin Europian do të qëndrojmë të palëkundur në mbrojtje të vlerave të lirisë dhe demokracisë”, tha Meta.

Të pranishëm ishin Zv.kryeministri, Arben Ahmetaj, Ministri i brendshëm, Bledi Çuçi, ministri i Drejtësisë, Ulsi Manja, zv.ministrja e Mbrojtjes, Dallendyshe Bici, zv.ministrja e jashtme, Megi Fino, Mimi Kodheli, kryetare e komisionit të punëve të jashtme, Gledis Nano, drejtori i SHISH-it, Helidon Brendo, Nasip Naco, kryetar i komisioni i sigurisë, guvernatori Gent Sejko.

Në këtë takim mungoi Edi Rama, Olta Xhaçka dhe Niko Peleshi. Xhaçka ka qenë në mbledhjen urgjente të OSBE dhe wshtw përfaqësuar nga zv. ministrja Megi Fino .