Mohoi sulmet ndaj medias/ Retorika fyese dhe 'shfryrjet’ e Ramës ndaj gazetarëve

Raporti i Reporterëve Pa Kufij tregoi se Shqipëria ka shënuar rënie në Treguesin Botëror të Lirisë së Shtypit, duke rënë me 20 pozicione nga viti i kaluar dhe duke u vendosur në vendin e 103.

Ndërtë tjera, raporti theksonte se pavarësia editoriale në mediet shqiptare është e kërcënuar, gazetarëve iu cenohet liria e fjalës, bien viktima të dhunës policore dhe të gjyqeve nga politikanët të cilët synojnë heshtjen e zërave kritikë.

Kryeministri Edi Rama mohoi sot argumentet dhe gjetjet e raportit, duke u shprehur se gazetarët në Shqipëri nuk kërcënohen, liria e fjalës nuk iu është cënuar, nuk kanë qenë viktima të dhunës policore, duke i quajtur të gjitha “trillime e gënjeshtra”.

Sulmet, fyerjet, shpërthimet dhe akuzat ndaj gazetarëve vijnë se pari nga vetë kryeministri që bëri deklaratën e mësipërme. Rama, prej vitit 2017 e në vazhdim, ka sulmuar dhe shfryrë mbi gazetarët e mediet duke iu vendosur një sërë epitetesh ofenduese.

Gjuha dhe retorika që kryeministri përdor me gazetarët mbetet po e njëjta, madje kohët  e fundit Rama vendosi ‘dënime’ ndaj tyre duke i kërcënuar me riedukim.

Më poshtë janë disa nga deklaratat fyese që Rama ka bërë për gazetarët:

■ Kazan, derra, zuzarë, kadrinj, derrhane

■ Hipokritë

■ Parazitë

■ Gënjeshtarë

■ Avokatë gjynahqarë të krimit

■ Dembelë

■ Armiq

■ Të papërgjegjshëm

■ Të palexuar

■ (Gazetarëve) tu vijë turp

■ (Gazetarët) torolisin miletin

■ (Gazetarët) janë shkaku i problemeve të vendit

■ (Gazetarët) përçojnë akuzat si tel bakri

■ Amplifikatorë thashethemesh

■ Katund mediatik

■ Qen

■ Idiotë

■ Të paditur

■ Injorantë

■ Flasin përçart

■ Kokbosh

■ Të pirë

■ “Do të ti plotësoj gjithë nevojat që ke, por më lër të ti plotësoj një nga një”, – Rama duke folur me gazetaren Eni Vasili.

■ “Po të shihja ty dhe po mendoja person tjetër, një koleg tuajin mashkull”, – Rama duke folur me gazetaren Eni Vasili.

■ “(Jeni) e papërgatitur, por edhe s’keni faj se keni fëmijë të vogël”, Rama duke folur me gazetaren Ilva Tare.

■ Prostituta të informacionit

■ Gazetat shqiptare “pengojnë aparatin tretës”

■ Mediat janë skandalozë

■ Përhapin lajme të rreme

■ Shkelin dhe  cenojnë dinjitetin e njerëzve nga  mëngjesi deri në darkë

■ Të pabesueshme

■ Mjegullojnë të vërtetën

■ Media po degradon çdo ditë

■ Shfryjnë mllef e helm

■ Pa etikë

Referuar Exit News