Ndahet nga jeta Bashkim Fino, miqtë dhe kolegët përcjellin mesazhet e ngushëllimit; homazhet në pallatin e Kongreseve

Kolegët dhe bashkëpunëtorët e deputetit socialist Bashkim Fino, që humbi jetën ditën e sotme nga Covid-19, kanë përcjellë mesazhe ngushëllimi. Duke e cilësuar një lajm tronditës, Presidenti Ilir Meta thotë se kjo humbje është një dhimbje e madhe.

Ndërkohë kryeministri Edi Rama reagoi më herët, ku njoftoi edhe ndërprerjen e aktiviteteve elektorale.

Ish-presidenti Bujar Nishani thotë se pavarësisht bindjeve politike, parimet mbeten të njëjta. Ai i ka shprehur ngushëllimet familjarëve dhe miqëve të Finos.

Deputetja Mimi Kodheli ka zgjedhur ta kujtojë mikun e saj me një foto nga koha kur ishin në fakultet. Kodheli dhe Fino kanë qenë shokë klase. "Lamtumirë shok i kohërave të vjetra e moderne, mik i ditëve të mira e të vështira", shkruan ajo.

"Tani je në qiell, miku im", shkruan zëvëndëskryeministri Erion Braçe.

Ministrja e Shëndetësisë Ogerta Manastirliu kujton bisedat dhe këshillat e Finos, ndërsa shprehet krenare që punuar me një politikan si Fino.

Ministrja e Jashtme Olta Xhaçka thotë se se humbja e Finos do të lërë një boshllëk të pazëvëndësueshëm për miqtë.

Edhe për deputetin Ditmir Bushati lajmi për ndarjen nga jeta të kolegur të tij, ka qenë tronditës.

Homazhet për deputetin socialist do të mbahen ditën e sotme në pallatin e Kongreseve nga ora 11:00 deri në orën 15:30. Fino do të përcillet për në banesën e fundit në orën 16:00.