Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Ndarja nga Maqedonia e Veriut për integrimin, PS rrëzon kërkesën e opozitës për mocion

Politiko 23 Maj 2022, 17:13

Ndarja nga Maqedonia e Veriut për integrimin, PS rrëzon

Partia Socialiste nuk ka pranua të zhvillojë një mocion me debat me opozitën për çështjen e integrimit të Shqipërisë.

Deputeti i LSI, Petrit Vasili deklaroi më herët se një grup deputetësh paraqitën një mocion me debat, pas deklaratave të kryeministrit Edi Rama se në rast të një refuzimi të nisjes së bisedimeve edhe këtë herë, Shqipëria do të kërkojë shkëputjen e rrugëtimit të saj nga Maqedonia e Veriut.

“Një grup deputetësh kanë paraqitur një mocion me debat për një problem shumë delikat i cili ndodhet në një moment kyç siç është momenti i hapjes së negociatave. Rama në Bruksel është bërë një deklarim i rëndë: Besoj se të gjithë e kanë të qartë që kjo situatë s’mund të vazhdojë më gjatë, ne do ndryshojmë menjëherë kurs nëse nuk kalojmë më në fazën tjetër për negociata.

Deklaratë shumë  e rëndë. Shumë ministra e deputetë kanë folur sikur janë ata Evropa i kanë dhënë mend Evropës se si do dalë ajo nga problemet e saj. Po të shikohej siç është thënë fjalë për fjalë do të ishte debilitet politik. Anti kushtetuese, anti ligjore dhe provokative.

Kryeministri qan e lan kur Be bën procedura për të ndihmuar në rindërtim, kurse të nesërmen  e tregon veten si kryeministër që prin Evropën. Kjo deklaratë shumë e rëndë është bërë në mes të Brukselit me një qëllim”, tha deputeti i LSI Petrit Vasili.

Arsyet e këtij refuzimi i dha kreu i grupit parlamentar të PS, Taulant Balla.

“Shqipëria nuk ka plan b, ka vetëm plan a. Plan b keni ju të ashtuquajtur sovranista që e keni kthyer antiamerikanizmin në doktrinë dhe për këtë ne nuk ju shërojmë dot. Ju jeni shoqata e non gratave në Ballkan. Mbani qëndrime që nuk ju kupton askush’, u shpreh Balla.

 

Të fundit