Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Nga fushat e Juventusit te kantieri i ndërtimit, rruga e vështirë e ish-futbollistit shqiptar

Politiko 21 Tetor 2025, 16:12

Nga fushat e Juventusit te kantieri i ndërtimit, rruga e vështirë

Në vitin 2017, një djalosh 18-vjeçar me ëndrra të mëdha mbërriti në Torino. Çëndrim Kameraj, i lindur në Luzernë, Zvicër, por me rrënjë shqiptare, firmosi me Juventusin, duke u bashkuar me një skuadër të mbushur me yje si Cristiano Ronaldo dhe Gonzalo Higuain. Ishte fillimi i një ëndrre që premtonte shumë.
Por tetë vite më vonë, realiteti është krejt tjetër. Pas një serie dëmtimesh të rënda, përfshirë tre këputje të ligamenteve të kryqëzuara, Kameraj u detyrua të braktisë futbollin. Ai nuk arriti të luante në stadiumet e mëdha të botës, por përfundoi duke punuar në një kantier ndërtimi.
Në një intervistë për '20min.ch', ai rrëfeu periudhën e errët që përjetoi.

“Isha në majë, stërvitesha me më të mirët, dhe papritur u gjenda në fund,” tha ai. Dëmtimi i parë në vitin 2019 e largoi nga Juventusi, ndërsa dëmtimet e mëvonshme e penguan të rikthehej te Lugano dhe Zurich.
Në vitin 2022, pas një rikthimi të shkurtër në fushë me ekipin e tij të ri, një tjetër dëmtim e goditi vetëm pak minuta pas debutimit kundër Zug 94. “Ishte si një paralajmërim – një natë më parë kisha ëndërruar se do ta këputja përsëri ligamentin,” kujton ai.
Pas kësaj goditjeje të tretë, Kameraj vendosi të mbyllë kapitullin e futbollit. 

Një postim në rrjetet sociale ku shfaqej pranë Ronaldos dhe më pas me helmetë në kantier u bë viral, duke reflektuar ndryshimin drastik në jetën e tij.
Sot, ai punon si konsulent i burimeve njerëzore në kompaninë ICM Bau AG. “Mbikëqyrësi ynë na kërkon të vizitojmë kantierin çdo ditë, për të kuptuar sa e vështirë është kjo punë,” thotë Kameraj, i cili ka gjetur një ekuilibër të ri në jetë, falë mbështetjes së familjes dhe forcës së karakterit.

Të fundit