Nga mesazhet, batutat dhe ironitë/ Pikat kryesore të konferencës Rama-Kurti në Prishtinë

Kryeministrat e dy shteteve shqiptare, Edi Rama dhe Albin Kurti zhvilluan një konferencë të përbashkët për mediat, pas mbledhjes së dy kabineteve qeveritare, ku u nënshkruan edhe disa marrëveshje që synojnë forcimin e bashkëpunimit.

Pika e parë për të cilën u pyetën dy liderët ishte nisma “Ballkani i Hapur”, ku asnjëri nuk bëri një hap pas, çka do të thotë se kjo çështje do vijojë t’i ndajë homologët shqiptarë.

Përgjigjia për kritikët

Kryeministri Rama tha se të dyja shtetet do të punojnë fort për të rritur bashkëpunimin. Këti ai përmendi shprehejen e urtë popullore “qentë le të lehin, karvani ikën përpara”, e cila u mor edhe si mesazh për kritikët.

“Nuk mund të lë pa përmendur qenin që lehte gjatë kohës që po jepej himni. Është një qen që mbetet shumë i rëndësishëm nga kjo ditë pasi përbën një simbol të lehjeve për arsyeje të tërheqjes së vëmendjes. Por kur ne fokusohemi, lehjet mbeten prapa. Qentë le të lehin, karvani të ecë përpara”, tha Rama.

Ironia

Pyetjes nëse ishte pro serb, Rama iu përgjigj me ironi, duke thënë se është edhe vëllai i Aleksandër Vuçiçit.

“Pro-serbizmi im, jam më shumë se kaq, kaq vllau i Vuçiçit, ju e dini këtë dhe e keni bërë status timin që jam vllau i tij, por dua të them se këndvështrimi im është se ne nuk na duhet një Serbi e radikalizuar aq më tepër në kontekstin e sotëm”, deklaroi ai.

Akuzat ndaj krerëve të UÇK-së

Rama dhe Kurti dolën për akuzat që rëndojnë mbi ish-drejtuesit e UÇK-së, të cilën ndodhen në paraburgim në Hagë. Rama hodhi akuza të forta ndaj raportit të Dicky Martin, që fliste për trafik organesh, duke u shprehur se aty ka zero fakte për ish-krerët e UÇK-së. Ndërsa Kurti tha se do të vizitojë në burgun e Hagës të burgosurit Hashim Thaç, Kadri Veseli, etj.

Kurti: Deklaratat, përshtypjet, intrigat, komentet, për besë janë të pakrahasueshme me ato që po bëjmë me këto mbledhjet e përbashkëta. Është më e udhës të takoj avokatët e ish-ushtarëve të UCK, sepse ka kaluar një vit e gjysmë prej se mbahen në paraburgim, ndërkaq kryetari i Kuvendit i ka takuar, ndërsa unë jo. Këtë do ta bëj sonte.

Rama: Ne jemi duke përgatitur një rezolutë për Kuvendin e Shqipërisë dhe do të shkoj personalisht në Strasburg, në rastin më të parë shpresoj në shtator, për t’iu drejtuar Këshillit të Evropës për një fakt, që bëhet gjithnjë e më shqetësues, që është pabazueshmëria totale e raportit Dick Martin, si dhe influenca ruse mbi këtë përrallë të një shtëpie të verdhë dhe trafikut të organeve. Bota këtë duhet ta dëgjojë, sponsorat e atij tribunali duhet të dëgjojnë. Nuk ka asnjë gjë në atë aktakuzë, zero.

Batutat

Konferenca e përbashkët u mbyll me batuta. Gazetarët pyetën Kurtin për Samitin e Ohrit, por ai ju është përgjigjur se nuk ka qenë atje për vëzhgim. I menjëhershëm ka qenë reagimi ironik i Ramës, i cili i tha se Kurti vëzhgon nga Prishtina edhe Kinën, jo më Ohrin.

Kurti: Po të isha në Ohër për vëzhgim, do kishte kuptim të përgjigjesha, ndërsa nga këtu mundem vetëm t’iu përshëndes me shprehjen “Porti i ri i Durrësit, Porti i Thatë i Prishtinës, hekurudha në mes”.

Rama: Edhe po qe për vëzhgues, ky vëzhgon nga Prishtina edhe Kinën, jo më Ohrin, dakord!

Këtë të hënë u mbajt mbledhja e 8-të mes dy qeverive Shqipëri-Kosovë, ku u nënshkruan një sërë marrëveshjesh të rëndësishme dhe u bë me dije se në nëntor, ku shënohet edhe 110 vjetori i Pavarësisë, do të mblidhen edhe dy Kuvendet.