Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Nju Jorku shënon rastin e parë me variantin e ri të Covid-19

Politiko 5 Janar 2021, 08:34

Nju Jorku shënon rastin e parë me variantin e ri të Covid-19

Në Nju Jork është konfirmuar rasti i rastin e parë të variantit të ri të Covid 19. Andreë Cuomo tha të hënën se shteti i tij ka zbuluar rastin e parë të variantit më ngjitës të koronavirusit, që për herë të parë u regjistrua në Britani.

Identifikimi i rastit në shtetin e Nju Jorkut, ngjall shqetësime në lidhje me kapacitetin e spitaleve, nëse përhapet me shpejtësi.

Në një konferencë për mediat Cuomo tha se një burrë në të 60-at që jeton në një qytet në veri të kryeqytetit Albany, ka variantin e ri të virusit. Personi i cili po e merr veten, nuk kishte udhëtuar kohët e fundit, duke lënë të kuptohet se bëhet fjalë për përhapje brenda komunitetit.

Nju Jorku ka kryer 5,000 teste për llojin e ri – dhe deri tani ka gjetur vetëm një rast. Cuomo thotë se nëse lloji i ri rrit shtrimet në spital dhe detyron disa zona të mbyllen, kjo do të sillte një ndryshim strategjie.

Deri tani varianti i ri që përhapet me shpejtësi dhe është quajtur variant britanik, është zbuluar në Kolorado dhe Kaliforni. Të hënën kryeministri britanik, Boris Johnson urdhëroi masa të reja izolimi në vend, në përpjekje për të ngadalësuar një rritje të rasteve me COVID-19 që kërcënon të mbingarkojë sistemin shëndetësor.

Ai tha se varianti i ri më ngjitës po përhapet me shpejtësi të madhe dhe ishin të nevojshme veprime urgjente për ta ngadalësuar atë./VOA

Të fundit