Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Pas pezullimit, SHBA ndërpret plotësisht fondet e OJQ-ve për Shqipërinë dhe RMV

Politiko 27 Shkurt 2025, 12:45

Pas pezullimit, SHBA ndërpret plotësisht fondet e OJQ-ve për

Qeveria amerikane kanë ndërprerë të gjitha fondet për Organizatat Jo Qeveritare në Shqipëri dhe Maqedoninë e Veriut. Fillimisht qeveria amerikane ka pezulluar fondet e USAid-it, për këto OJF, por ditët e fundit kanë vendosur që t'i ndërpresin plotësisht.

Burime të Dosja.al, bëjnë me dije se ky vendim është marrë vetëm për OJQ-të në dy vendet ballkanike, ku dhe shtrirja e George Soros ka qenë më e madhe në Shqipëri dhe Maqedoninë e Veriut.

"I nderuar Partner, Grantet tuaja (award cc) po ndërpritet për lehtësinë e Qeverisë së Shteteve të Bashkuara, në përputhje me një direktivë nga Sekretari i Shtetit të SHBA, Marco Rubio, për t’u përshtatur me prioritetet e Agjencisë dhe interesin kombëtar. Vendimi për të ndërprerë këtë grant individual është një përcaktim politik i cili i përket Sekretarit të Shtetit. Instruksione të detajuara do të pasojnë, dhe një modifikim/amendament zyrtar për të formalizuar këtë veprim do të vijë nga Zyra e Granteve për grantet specifike. Ju lutemi të konfirmoni marrjen e këtij Njoftimi të Ndërprerjes përmes një përgjigjeje elektronike me email dërguar dërguesit", thuhet në njoftim.

Ndërkohë që jo më larg se dje Komisioni i Posaçëm i Efikasitetit të qeverisjes në Kongresin amerikan deklaroi se ndihma amerikane përmes USAID, është përdorur nga miliarderi George Soros për të ndikuar në drejtësinë dhe politikat e vendeve të Ballkanit Perëndimor.

USAID-i është agjencia kryesore e Qeverisë amerikane për administrim të ndihmës civile dhe asistencës zhvillimore në botë. Organizata ka qenë prezente në mbi 100 shtete, duke ndarë fonde në vlerë të miliarda dollarëve brenda vitit, përfshirë këtu edhe Shqipërinë. Administrata Trump i ka kritikuar programet e USAID-it si joefikase dhe aspak në linjë me interesat amerikane, duke bllokuar kështu fondet e kësaj organizate dhe duke argumentuar se disa prej funksioneve të agjencisë do të menaxhohen prej Departamentit amerikan të Shtetit./ Dosja.al

Të fundit