Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Përloti Kuvendin me historinë e saj, Rigerta Loku i bashkohet Rudina Hajdarit; vendos të kandidojë në zgjedhjet e 25 prillit

Politiko 1 Nëntor 2020, 22:51
Përloti Kuvendin me historinë e saj, Rigerta Loku i bashkohet Rudina
Në foto: Rigerta Loku, kandidate për deputete nga 'Nisma'

Rigerta Loku, vajza fermere nga Mirdita, e cila 3 vite më parë përloti Kuvendin me fjalimin e saj, ka hedhur kandidaturën e saj për deputete në zgjedhjet e 25 prillit.

Përmes një reagimi në rrjetet e saj sociale, Loku ka njoftuar se partia të cilës ka zgjedhur t'i bashkohet është “Nisma” e Rudina Hajdarit.

"Pas shumë ftesash e kërkesash të njerëzve të mirë, dua të ndaj me ju vendimin për tu angazhuar në zgjedhjet e 25 prillit 2021. Është e vështirë, por ndjej përgjegjësinë për të qënë një zë i lirë. JU motivi dhe forca ime! Me konsideratë, Gerta", shkruan Rigerta Loku, duke konfirmuar përmes një komenti bashkimin me ‘Nismën’.

"Ti me kërku emrin tim e me e votu po deshe. progresi  nuk ka parti ka njerëz, Me Rudina Hajdarin", përgjigjet Loku.

Po kush është Rigerta Loku?

Ajo është vajza që u kthye në Shqipëri me një diplomë të  “La Sapienza-s”, pasi kishte studiuar për Shkenca Politike, por duke mos gjetur asnjë mundësi tjetër në Shqipëri, vendosi të hapte një fermë në vendlindjen e saj.

Ajo tha në një intervistë për mediat se e dërgoi CV-në në disa institucione të pushtetit vendor në Rubik dhe në Rrëshen, por iu kthye mbrapsht pa asnjë shpjegim. Ëndrrat e saj për të bërë një ndryshim në vendlindje u thyen në mes.

Para ofertës për t’u rreshtuar politikisht, Rigerta Loku dhe bashkëshorti i saj, Leonard Tusha zgjodhën rrugën më të vështirë. Me paratë e kursyera në Itali, ata vendosën të ndërtojnë fermën e tyre larg qytetit dhe politikës dhe gjashtë vite më pas, janë krenarë që ia kanë dalë.

Pas fjalimit të saj në Kuvend, Rigerta është akuzuar nga Partia Demokratike. Sipas tyre mesazhi i saj ishte i inskenuar nga kryeministri Edi Rama dhe fjalimi ishte kurdisur nga politika.

Të fundit