Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Përplasja në Politiko/ Bumçi: Berisha e ngriti PD nga hiri, hapi 5 km tunele. Patozi: Berishisti më i keq është Basha

Politiko 1 Nëntor 2021, 22:20

Përplasja në Politiko/ Bumçi: Berisha e ngriti PD nga hiri,

Përplasjet në PD kanë krijuar debat mes të ftuarve në studion e Politiko.

Aldo Bumçi, ish-deputet i PD-së dhe mbështetës i Foltores, deklaroi se Berisha ka treguar se ka ngritur PD-në nga hiri, duke kujtuar vitin '97.

"Ju kujtoj se ai e ngriti PD-në nga hiri. Në Vlorë PD-ja nuk ekzistonte, ai i dha shpresë dhe e risolli PD-në në pushtet dhe për këtë kanë nevojë njerëzit për t'i kthyer besimin. Erdhi në pushtet në 2005 i fitoi, por asnjëherë nuk i mori vetë meritat", u shpreh Bumçi, i cili nuk ngurroi që të përmendte edhe investimet e tetë viteve qeverisjeje të Berishës.

Por Patozi ka ndërhyrë, duke u shprehur se për ato është votuar një herë dhe se nuk ka nevojë që të përmenden. Sa i përket berishizmin, Patozi deklaroi se "berishisti më i keq është Lulzim Basha".

"Kjo është rrethanë lehtësuese për Berishën që presupuzohet se e bën prapë këto arritjet qeverisese. Ku qëndron e keqja pse e bën tani kur u cenoi çështja e tij, PD humbi katër palë zgjedhje e nuk u ndje, në çastin kur u prek interesi vet, u ndje. Këtu është i cenuar me besimin në raport me publikun se me Foltoren ai është rregull. Nuk ka berishist më të keq se Lulzim Basha.

Akuzohet berishizmi si rrymë. Basha ka kapërcyer Berishën në aktet politike. Bojkoti, lista e 2017 ishte më e rëndë se sa kjo tani e Berishës. Atëherë Basha e mori këtë vendim në kushte lirie, e mori përsipër atë, duke hequr 30 veta, me mbështetjen e Berishës. Me Sali Berishën e mori kur kishte pistoletën te koka, me dronin amerikan që fluturonte. Sali Berisha nuk bojkotonte asnjëherë zgjedhjet, mendoj se dhe me këtë vendim bojkotoi ishte pas dhe ai, por firma i mbeti Bashës", theksoi Patozi.

Por Roland Bejko theksoi se "unë mendoj se Basha është ai që duhet të marrë ligjërisht çdo fitore e humbje, ka qenë bashkë me zotin Berisha në këtë periudhë".

Ervis Iljazi shprehet se do të ketë një ndarje përfundimtare dhe dualitet në drejtimin e PD-së, duke vendosur se këtë parti do ta drejtojnë Berisha ose Basha.

"Lëvizjen e Berishës e shoh si pa të ardhme politike është "non grata". Si mund ta mendojmë ne që nëse ai bëhet kryeministër të ulet në një tryezë në samitet e NATO-s, ku NATO nënkupton SHBA. Me Lulzim Bashën ka rinisur partneriteti me amerikanët. Kohët po tregojnë se fati i partisë është i lidhur me fatin e një individi", tha Iljazaj. Shkaktari për situatën në PD, sipas tij, është Berisha dhe jo Basha.