Posta e mëngjesit/ Me 2 rreshta: Çfarë pati rëndësi dje në Shqipëri

Presidenti Ilir Meta dekreton emërimin e anëtarit të gjashtë, Përparim Kalon. Gjykata Kushtetuese bëhet funksionale.

E lidhur: Gjykata Kushtetuese bëhet funksionale pas tri vitesh, kush janë gjashtë anëtarët e drejtësisë së re 

Bien shifrat e Covid-19 në Shqipëri: 6 humbje jete dhe 503 të infektuar në 24 orë, mes viktimave edhe një 37-vjeçar/

E lidhur: Tjetër variant i ri i Covid-19 zbulohet në Britaninë e Madhe: Kanë ardhur nga Afrika e Jugut.

Efektivi i vrarë/ Rrëfen babai i Xhulio Prelës: Ishte përplasur me të afërmit e një deputeti në Lezhë   

PD ka denoncuar emërimin e drejtorit të hipotekës në Durrës, Arben Isaku duke thënë se pas qëndrimit në burg, po shkon në Bashki.

Ministri i Rindërtimit, Arben Ahmetaj, në fjalën e tij në ceremoninë e hapjes së kanterit të rindërtimit në Laç, bëri një bilanc të punës së deritanishme dhe tha se do të strehohen 524 familje. Zona e parë do përfundojë në mars gati për të strehuar 160 familje, pjesa tjetër në gusht.

Ndahet nga jeta në moshën 59-vjeçare kornisti, Andrea Canaj, pasi humbi betejën me Covid-19. 

Kuvendi ka zgjedhur me 100 vota pro Evgjeni Basharin si kryetaren e re të Inspektoriatit të Lartë të deklarimit të pasurive dhe konfliktit të interesave. Bashari garonte për postin e kryetares së ILDKPKI-së përballë Helena Papës. Kandidatja Elena Papa mori vetëm 5 vota pro.

Ka përfunduar gjykimi i dosjes “Bajri”. Gjykata e Rrethit Gjyqësor Shkodër ka pranuar pjesërisht konkluzionet e avokatëve mbrojtës Arbër Hoxha dhe Sokol Tahiraj për aplikimin e gjykimit të shkurtuar duke ulur 1/3 të dënimit. “Bajri” është një nga dosjet më të përfolura dhe të trumbetuara me aq bujë në vjeshtën e vitit 2018.

Kryeministri Edi Rama tha se lagjet e reja që kanë nisur të ndërtohen në Laç me fondet e shtetit turk janë simbol i duarve të shtrënguara të solidaritetit dhe dëshmi e marrëdhënieve e veçantë mes dy qeverive dhe popujve.

Kryedemokrati Lulzim Basha ka zhvilluar paraditen e sotme një takim me të rinjtë shqiptarë që studiojnë jashtë vendit. Problemi kryesor sot është monopolizimi i ekonomisë, deklaroi Basha. Ky i fundit tha se që të ketë punësim dhe mundësi biznesi, duhet të ketë një ekomomi të lirë.