Posta e mëngjesit/ Me 2 rreshta: Çfarë pati rëndësi dje në Shqipëri

Mirëmëngjes!

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

Kreu i PD, Lulzim Basha nënshkruan marrëveshje me PAA, ‘ultimatumi’ që i vendosi Agron Duka; Kreu i PR, Fatmir Mediu prezanton 36 kandidatët.

Skandali me sanitaren në Covid2, reagon Prokuroria e Tiranës: Hetim nëse është rast sporadik apo skemë përfitimi nga personeli.

Zbardhet debati PD-PS në KQZ për implementimin e teknologjisë, socialistët tërhiqen nga propozimi i parë.

Rreth 3 mijë e 300 ha tokë e përmbytur në Lezhë e Shkodër. Në aksin Rrëshen-Bukmirë ka pasur rrëshqitje dherash. Ndërkohë ka nisur puna për zhbllokimin e rrugës Krujë-Qafshtamë.

Me anë të një Vendimi të Këshillit të Ministrave qeveria ka vendosur heqjen e tarifës doganore për vaksinat kundër koronavirusit që do të importohen në vendin tonë.  

Konferenca e Kryetarëve miratoi programin e punës së Kuvendit. Mbledhjet e komisioneve u vendosën që të vijojnë online, ndërsa seancat plenare me praninë fizike të deputetëve.Hapja e sesionit të ri parlamentar do të bëhet ditën e hënë.

Meta ka kthyer në Kuvend ligjin “Për taksat kombëtare”. Sipas tij, ndryshimet sjellin buxhetit 500 mln lekë humbje dhe dëmtojnë interesin publik.

Policia ka arrestuar sanitaren Tire Alldervishi, e cila u prezantua si infermiere vajzës së një prej pacienteve me koronavirus në spitalin “Shefqet Ndroqi”.

E lidhur: Mashtrimi i sanitares. Spitali “Shefqet Ndroqi” distancohet nga akti: Nuk mund të njollosë punën e personelit.

Media prestigjioze amerikane, CNN i ka kushtuar një artikull vendeve të cilat presin turistë amerikanë këtë fillimi viti 2021.  E para në listë renditet Shqipëria, ku CNN shkruan se vendi mbtetet i hapur për turistët amerikanë dhe se nuk kërkohet një test negativ Covid-i ose të karantinohesh.

Bota:

Njihuni me tre burrat që duan t’i zënë vendin gruas më të pushtetshme, Angela Merkel  

Matteo Renzi tërheq dy ministra, qeveria italiane në krizë .

Sekretari amerikan i Shtetit, Mike Pompeo ka paralajmëruar se do të publikojë prova që koronavirusi është krijuar në laboratorin e Wuhan dhe se nuk është natyral.

Pas Facebook dhe Twitter, edhe YouTube ka pezulluar kanalin e presidentit Donald Trump për të paktën një javë dhe potencialisht më gjatë, pasi një video e fundit në kanalin e Trump kishte nxitur dhunë.

355 të akuzuar dhe 900 dëshmitarë për “Ndragheta”, Italia përgatitet për gjyqin historik

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm