E-TJERA

"Presidenti duhet të shpërndajë parlamentin", Mediu: E djathta duhet ta bëjë Shqipërinë pjesë të BE-së, siç e bëri të NATO-s

"Presidenti duhet të shpërndajë parlamentin", Mediu: E

Kreu i Partisë Republikane në Fier, Fatmir Mediu tha diktatura komuniste është zëvendesuar nga regjimi i korruptuar i kryeministrit Edi Rama, qeveria e së cilit e ka çuar Shqiperinë në kufijtë e një dëshpërimi të thellë.

Aleati tradicional i së djathtës kërkoi që Presidenti të shpërndajë parlamentin për të mbrojtur Kushtetutën dhe interesat e Shqipërisë, ndërsa shtoi se është detyrë e opozitës, që ta bëjë Shqipërinë vend anëtar te BE, sic e beri vënd anëtar të NATOs nën drejtimin e Berishës.

Postimi i plotë:

Në takimin me strukturat e Partisë Republikane në Fier kryetari i saj Fatmir Mediu theksoj se Edi Rama dhe regjimi i tij i korruptuar e kanë cuar Shqiperinë ne kufijtë e një dëshpërimi të thellë. Kjo qeveri ka sjell vetëm,varfëri,papunësi, korruspsion, pasiguri, krim, eksod masiv të pjesës më aktive të shoqërisë.

Interesat kombëtare janë zëvendesuar me interesat personale.

Kalimi i Kodit elektoral pa konsensus, pa pritur vleresimin e komosjonit të Venecias, injorimi i Gjermanisë dhe Europës është një krim kundër interesave kombëtare të Shqipërisë.

Refuzimi që Edi Rama i bëri BE është refuzimi që ai i bën punës dhe qëllimit historik të shqiptarëve jo vetëm në këto 30 vite.

Ky regjim i korruptuar njësoj si regjimi diktatoria është pozicionuar hapur si antishqiptare dhe anti-europiane.

Diktatura komuniste është zëvendesuar nga diktati dhe pushteti i krimit dhe korrupsionit të cilët janë aleatët e Ramës për të manipuluar zgjedhjet.

Opozita dhe shqiptarët kanë vetëm një duhet të bashkohen në cdo skaj të Shqipërisë për të garantuar zgjedhje të lira dhe të ndershme, largimin e këtij regjimi dhe rikthimin në rrugën europiane.

Presidenti duhet të shpërndajë parlamentin duke mbrojtur kështu kushtetutën dhe interesat e Shqipërisë.

Është detyrë e të djathtës që të rikthejë vlerat më të mira, shpresën dhe besimim, të bëjë Shqipërinë vend anëtar te BE, sic e beri vënd anëtar të NATOs nën drejtimin e Berishës.

Është detyrë e së djathtës të afrojë në politikën e saj, në garën për parlament dhe qeveri njerezit më të aftë, intelektualë brenda dhe jashtë vendit që se refuzojnë poshtërimin dhe përbuzjen e sektit Rama, të ofrojë intelektualë e të rinj që zotërojnë dijen dhe aftësitë për të ngërtuar një shtet të shqiptarëve për shqiptarët.

 

Ditari politik

Të fundit