Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

KE 'qorton' qeverinë: Përjashtimi i deputetëve të opozitës i paprecedentë, ç'thotë për komisionet hetimore

Politiko 8 Nëntor 2023, 09:59

KE 'qorton' qeverinë: Përjashtimi i deputetëve të

Progres raporti i Komisionit Evropian i është referuar rrëzimit të kërkesave të opozitës për komisione hetimore nga mazhoranca.

Sipas progres raportit, e drejta e opozitës për të propozuar ngritjen e komisioneve hetimore është e garantuar nga Kushtetuta.

“Gjatë periudhës raportuese, opozita kërkoi ngritjen e dy komisioneve hetimore, por mazhoranca i hodhi poshtë të dyja kërkesat, pavarësisht se e drejta e opozitës për të inicuar komisione të tilla garantohet me Kushtetutë. Argumenti i mazhorancës në të dyja rastet ishte se është në shqyrtim një rishikim i ligjit për komisionet hetimore. Ligji aktual, megjithatë, mbetet në fuqi”, thuhet në progres-raport.

KE i referohet edhe përjashtimit të deputetëve të opozitës duke shtuar se kemi të bëjmë me përjashtim të paprecedentë të 23 deputetëve.

"Mosmarrëveshjet mes mazhorancës dhe opozitës, veçanërisht për refuzimin e kryeministrit për të marrë pjesë në shumicën e interpelancave të kërkuara nga opozita, shkaktuan një ndërprerje të përkohshme në funksionimin normal të Kuvendit. Sekretariati i Etikës vendosi disa masa disiplinore, duke rezultuar në përjashtimin e paprecedentë të 23 deputetëve të opozitës brenda një muaji. Nevojiten standarde më të larta etike në punimet e Kuvendit për të nxitur një dialog politik më konstruktiv midis opozitës dhe mazhorancës".

Të fundit