Flash News

‘Po zbrazet vendi’, sondazhi i IRI godet qeverinë: Emigrimi dështimi numër një, pas tij korrupsioni dhe çmimet

U gjet i pajetë në makinën e djegur, familjari tregon shqetësimin e 66-vjeçarit: Nuk i legalizonin banesën për një dritare

Korçë/ 66-vjeçari gjendet i pajetë brenda automjetit të djegur

Plagosja e trefishtë në Elbasan, 6 gëzhoja në vendngjarje; polici jashtë shërbimit ndoqi autorin

Të shtëna me armë në një lokal në Elbasan, plagoset kamarieri

E-TJERA

Protesta në Zvërnec/ Hetim disiplinor për zinxhirin komandues të DVP Vlorë, në pranga roja i shoqërisë private

Politiko 31 May 2026, 09:01

Protesta në Zvërnec/ Hetim disiplinor për zinxhirin komandues

Pas tensioneve të regjistruara gjatë protestës së djeshme të banorëve të Zvërnecit kundër projektit turistik në zonën e Portonovës, Policia e Shtetit ka arrestuar rojën e kompanisë private të sigurisë që u filmua duke goditur një protestues. Ndërkohë, me urdhër të Drejtorit të Përgjithshëm të Policisë, është nisur edhe një hetim disiplinor për të gjithë zinxhirin komandues të Drejtorisë Vendore të Policisë Vlorë, për mënyrën e menaxhimit të tubimit dhe veprimet e kryera gjatë incidentit.

Njoftimi: 

Identifikohet, kapet dhe arrestohet punonjësi i shoqërisë private të sigurisë së kantierit që goditi me grusht shtetasin E. S.

Ndërkohë, nis hetimi disiplinor për të gjithë zinxhirin komandues të DVP Vlorë.

Menjëherë pas publikimit të pamjeve filmike ku shfaqet një punonjës i shoqërisë private të sigurisë duke goditur me grusht shtetasin E. S., Drejtori i Përgjithshëm i Policisë së Shtetit urdhëroi ngritjen e një grupi të posaçëm hetimor për të analizuar dhe hetuar të gjitha veprimet e ndodhura gjatë tubimit të zhvilluar më datë 30.05.2026 nga banorë të fshatit Zvërnec, në vendin e quajtur “Portonovë”.

Në vijim të veprimeve hetimore, u bë identifikimi dhe shoqërimi i punonjësit të shoqërisë private të sigurisë, shtetasit G. B., 32 vjeç, banues në Durrës, i cili, në përfundim të veprimeve të para hetimore, u arrestua në flagrancë, i dyshuar për veprat penale "Heqja e paligjshme e lirisë" dhe "Plagosja e lehtë me dashje".

Ky shtetas ka goditur me grusht shtetasin E. S. dhe më pas, në bashkëpunim me shtetasit A. G. dhe G. V. (të dy të proceduar penalisht), e kanë tërhequr me forcë drejt vendit të rezervuar për rojet, duke i shkaktuar dëmtime të lehta trupore.

Ndërkohë, paralelisht me veprimet hetimore, Drejtori i Përgjithshëm ka urdhëruar Drejtorinë e Standardeve Profesionale në Policinë e Shtetit për nisjen e menjëhershme të hetimit disiplinor për të gjithë zinxhirin komandues të DVP Vlorë, në lidhje me masat dhe menaxhimin e tubimit të zhvilluar ditën e djeshme.

Policia e Shtetit është e vendosur të respektojë të drejtat dhe liritë themelore të qytetarëve, të garantojë sigurinë e jetës dhe të pronës, si dhe të ndëshkojë çdo punonjës policie që neglizhon detyrën apo abuzon me të.

Të fundit