Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Protesta për rritjen e çmimeve, Flor Binaj: Kanë 30 vite që justifikohen, qytetarët të ngrenë zërin

Politiko 19 Tetor 2021, 09:35

Protesta për rritjen e çmimeve, Flor Binaj: Kanë 30 vite

Shoqëria civile ka vijuar të hënë protestën për rritjen e çmimeve. Ndryshe nga herët e tjera, dje ka pasur më pak njerëz të grumbulluar para Kryeministrisë për t’i bërë thirrje qeverisë të rishikojë planin e masave.

Në një intervistë për A2 CNN, aktori Florian Binaj një nga përkrahësit më të fortë të protestës, tregoi se çdo qytetar duhet të jetë në shesh për të ngritur zërin ndaj padrejtësive qëpo iu bëhen ndër vite.

“Që nga protesta e parë, mua më kanë mbetur në mend disa njerëz që realisht jetojnë vetëm me një bidon qumësht edhe me një bukë. Nëse ne e lëmë moshën e tretë në këtë gjendje, nëse ne e lëmë rininë në këtë gjendje, e ardhmja nuk do mend se si do të jetë. Jemi aty për të ngritur zërin për ata njerëz që nuk pyeten nëse jetojnë mirë apo jo. Pas gjithë kontributit të tyre disavjeçarë, bëhen vetëm disa sondazhe dhe nuk ka asgjë më rëndësi për ata që drejtojnë. Askush në këtë vend nuk i paguan gabimet përveç popullit. Nëse ti bën një gabim kundrejt shoqërisë, nëse e gjithë klasa politike bën ndonjë gabim kundrejt teje, e paguan sërish ti. Ti nuk je i mbrojtur në asnjë moment, jetesa nuk është e mbrojtur në asnjë moment. Kështu vritet çdo ndjesi që ti ke votuar dikë të përmirësojë jetën dhe në fakt, ai nuk të jep më llogari. Kanë 30 vjet që justifikohen. Këtu ndahemi në dy shtresa, ata që e dinë dhe flasin dhe ata që e dinë dhe nuk flasin. Unë them që të mblidhen sa më shumë njerëz të vijnë të flasi,” tha aktori.

Binaj shpreson se me zërin e qytetarëve dhe protestat e mirorganizuara, qeveria do të reflektojë për të parë situatën dhe gjendjen aktuale të popullit.

“Ne dëgjojmë çdo vit që KLSH thotë këtë vit janë shpërdoruar 500 milionë euro. Po, a ka hyrë njeri në burg? Asnjë. Ne shpresojmë që ky zë i protestës të ndërgjegjësojë këta njerëz të përpiqen të mos vjedhin kaq shumë dhe këto lekë që shpërdorohen t’u shkojnë këtyre njerëzve në nevojë”, u shpreh Binaj.

 

Të fundit