Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Protestë kundër projektit për Shushicën: Nëse ky lumë merret, këtu do fluturojnë qyqja e korbat

Politiko 9 Mars 2024, 12:35

Protestë kundër projektit për Shushicën: Nëse ky

Banorët e lumit të Vlorës janë ngritur sot në protestë kundër projektit që u merr ujin e lumit të Shushicës për një ujësjellës në Himarë.

Banorët kanë bllokuar rrugën me thirrjet e tyre dhe policia ka ndërhyrë duke u kërkuar të ndërpresin protestën.

Një nga protestuesit, që kërkoi me zë se ku ishte sot, deputeti i PS Vullnet Sinaj, u bëri thirrje fshatrave të tjera të bashkohen në protestë për të mos lejuar devijimin e Shushicës.

“Banorë, asnjë nuk është me ju. Qeverinë e keni kundër. Parlamentin e keni kundër. Deputetët e zonës në pjesën më të madhe i keni kundër. Vetëm ju mund t’i bëni derman këtij vendi. O sot, o kurrë më! Këtu, nëse ky lumë merret, këtu do fluturojë qyqja e do të këndojnë korbat! Ju uroj që ta vazhdoni këtë protestë dhe të vazhdoni”, u shpreh ai.

Më pas e mori fjalën ai që protestuesit vetë e prezantuan si bilbili i këngës labe, Nazif Çela.

“Ju përgëzoj të gjithëve që keni ardhur në këtë protestë, jetike për ne të Lumit të Vlorës. Unë si këngëtar, në Shushicën shushurimë, mora zërin, melodinë.

Dhe këto duan të na i heqin,duan  të na i zhdukin oligarkët e tyre dhe duan t’ua japin atyre ujin e pijshëm, që ka shekuj të tërë këtu në Lumë të Vlorës. Rrjedhën ia ka dhënë Zoti, nuk ia ka dhënë robi, kështu që këtë vendosje sot këtu duhet edhe më shumë të tjerë, të mblidhen të gjithë fshatrat këtu. Ja gjakun e japim dhe lumin, jo”, tha ai.

Të fundit