Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Protestë para Bashkisë Durrës kundër projektit TID, banorët kërkojnë dialog dhe transparencë

Politiko 5 Shkurt 2026, 17:19

Protestë para Bashkisë Durrës kundër projektit TID,

Grupimi Qytetar kundër Projektit TID Durrës zhvilloi këtë të enjte protestën e radhës para Bashkisë së Durrësit, duke kërkuar hapjen e një tryeze bashkëbisedimi me institucionet vendore për projektin që prek zonën historike të qytetit.

Anëtarë të familjeve që preken drejtpërdrejt nga prishja e banesave dhe bizneseve kërkuan nga bashkia të ulet në dialog me ta, në përputhje edhe me rekomandimin e bërë nga Fondacioni Shqiptaro-Amerikan për Zhvillim (AADF), gjatë takimit të zhvilluar me banorët më 19 janar. Sipas tyre, çdo vendimmarrje e mëtejshme pa konsultim përbën shkelje të parimeve të transparencës dhe të drejtës së pronës.

Banorët shprehën kundërshtinë e tyre ndaj alternativave që, sipas tyre, po propozon bashkia për sistemim në banesa sociale, duke theksuar se këto zgjidhje nuk përmbushin nevojat dhe nuk respektojnë statusin e pronave të tyre në një zonë me vlera historike dhe ekonomike.

Protestës së sotme iu bashkuan edhe përfaqësues të Partisë Demokratike, mes tyre deputeti Igli Cara dhe kryetari i degës lokale të PD-së, Ardian Muka. Në një prononcim për mediat, deputeti Cara kritikoi ashpër heshtjen e Bashkisë së Durrësit ndaj kërkesave të banorëve dhe e cilësoi projektin TID si një nismë korruptive, të zhvilluar nga institucionet shqiptare në bashkëpunim me Fondacionin Shqiptaro-Amerikan për Zhvillim.

Sipas tij, mungesa e dialogut dhe transparencës në një projekt që prek dhjetëra familje dhe biznese është e papranueshme dhe kërkon ndërhyrje institucionale.

 

Të fundit