"Rama më ka bërë dy here të qaj", Milena Harito: E kam kushëri të tetë. Ai nuk ka nge të merret me ndjenjat, ka halle të tjera

Ish-ministrja për Inovacionin dhe Administratën Publike, Milena Harito ka treguar për bashkëpunimin me kryeministrin Edi Rama, të cilin thekson se e ka kushuri të tetë dhe fillimet e saj si ministre.

Ajo ka deklaruar se në fillimet e punës, Rama e ka bërë dy herë të qajë. Gjithashtu shtoi se qëllimi i kryeministrit ishte t'i "ngulte thikën" ku dhimbte më shumë për ta bërë që të punojë shumë më tepër.

Harito ka mbajtur postin e ministres nga viti 2013 deri në shtator të 2017-ës. Ajo i mohoi shanset për një rikthim të mundshëm edhe nëse i vjen ftesë nga kryeministri Edi Rama.

Kështu u shpreh Harito në një intervistë për RTSH , ndërsa shtoi se puna si ministre kishte anë pozitive dhe negative, duke evidentuar këtu presionin.

Gazetari: Atë më të rëndësishme. Pra momentin më të vështirë?

Harito: Mendova se e harrove. Në ato fillime më ka bërë nja dy herë për të qarë.

Gazetari: Qave shumë?

Harito: Jo. Nuk qaj shumë se jam nga Vunoi, por qava.

Gazetari: Dhe Rama u mërzit shumë se qave ti!

Harito: Ai ishte qëllimi. Kur e mendoj ato janë momente që kishte të drejtë. Në kuptimin jo të metodës por të thelbit sepse duke të ngacmuar, duke të ngulur thikën në vende ku dhemb aty të bën të avancosh.

Gazetari: A ishte rasti Milena Harito t’i bëhej kjo gjë?

Harito: Ai nuk ka nge të merret me ndjenjat e njerit dhe tjetrit. Ka halle të tjera.

Gazetari: Zonja Harito, a mund ta shpjegosh konkretisht çfarë kushëriri e kishit dhe e keni Edi Ramën?

Harito: Kushëri të tetë.