Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Raporti vjetor i ERE/ Kriza energjitike uli konsumin e energjisë tek bizneset në treg të lirë

Politiko 20 Prill 2023, 20:28

Raporti vjetor i ERE/ Kriza energjitike uli konsumin e energjisë tek

Viti 2021 ishte viti që shënoi rekordin e konsumit të energjisë në një pjesë të mirë të vendeve përfshi edhe Shqipërinë ku rimëkëmbja e post-pandemisë ishte e shpejtë.

Por shfaqja në horizont e krizës së energjisë në verën e atij viti dhe përkeqësimi i saj në 2022 kur në ekuacion hyri edhe lufta Rusi-Ukrainë bëri që çmimet të arrinin nivele të çmendura. E gjithë kjo është reflektuar sidomos tek biznesi në treg të parregulluar i cili sipas statistikave të Entit Rregullator të Energjisë në raportin vjetor të vitit 2022 tregon se konsumi është tkurrur.

“Ulja e konsumit total të energjisë elektrike në vend për vitin 2022, krahasuar me vitin 2021, është afërsisht 5.8%. Në të njëjtën kohë, konsumi total i energjisë elektrike i për vitin 2022 është afërsisht 11.3 % më i lartë se konsumi mesatar i paraqitur në vijim të këtij raporti.

Kjo ulje e konsumit total të energjisë elektrike është reflektuar për të gjitha kategoritë e konsumatorëve, por veçanërisht për konsumatorët që furnizohen në tregun e parregulluar, të cilët për vitin 2021 kanë konsumuar rreth 1,361 GWh energji elektrike, ndërsa për vitin 2022 këta konsumatorë kanë konsumuar rreth 929 GWh energji elektrike. Ulja e konsumit të energjisë elektrike ka ardhur edhe si pasojë e krizës energjetike shkaktuar nga lufta në Ukrainë, e cila çoi në një rritje të çmimeve të energjisë.

Në këtë situatë qeveritë e vendeve të ndryshme të botës, përfshirë dhe qeverinë e Republikës së Shqipërisë morën masa për të reduktuar konsumin e energjisë elektrike nëpërmjet fushatave sensibilizuese” vlerëson Enti.

Raporti gjithashtu sjell në vëmendje se konsumi total i energjisë elektrike në vend përgjatë vitit 2022, është mbuluar nga gjenerimi i energjisë elektrike i realizuar nga KESH sh.a., prodhuesit e pavarur të energjisë elektrike, prodhuesit me përparësi të energjisë elektrike, si dhe nga importi i energjisë elektrike. Prodhimi neto vendas për vitin 2022 rezulton të jetë 7,002 GWh, ndërkohë që konsumi total i vendit rezulton të jetë 7,924 GWh, me një balancë neto në drejtimin import 921 GWh.

Por edhe pse sasia e importit mbetet relativisht e ulët në raport me konsumin total në vlerë financiare këto importe shënuan rekord për shkak të çmimeve të kripura në Bursë. Deri në fund të vitit 2022 vlerësohet se importet arritën rreth 450 milionë euro. Në këto kushte Enti Rregullator i Energjisë ka vënë sërish theksin tek diversifikimi i burimeve të energjisë.

“Balanca neto e shkëmbimit të energjisë elektrike për vitin 2022 prej 921 GWh, rezulton si diferencë e eksportit të realizuar në sasinë prej 2,123 GWh dhe importit të realizuar në vlerën 3,044 GWh. Kjo diferencë është e kuptueshme për faktin se sistemi elektroenergjitik shqiptar e bazon prodhimin e energjisë elektrike në burimet hidrike, ku për periudhat me reshje arrin të eksportojë energji elektrike dhe në periudhat e thata gjatë vitit realizon import të energjisë elektrike për të mbuluar kërkesën në vend, thënë ndryshe profili i prodhimit në vendin tonë nuk përkon gjithmonë për të njëjtat periudha me profilin e konsumit në vend, për këtë arsye diversifikimi i burimeve gjeneruese të energjisë elektrike në vend do të ndikojë pozitivisht duke ulur sasinë e importit të energjisë elektrike” thuhet në raportin vjetor të Entit./Monitor.al