Risitë e vitit 2020 në aplikacione dhe teknologji

Sikurse çdo gjë tjetër, edhe teknologjia u ndikua nga Covid-19 dhe shumë risi që ishin të planifikuara për këtë vit, u shtynë për një kohë pa afat.

Ndonëse Covid-i prishi planet e kompanive të ndryshme teknologjike, kjo se ndaloi gjigandin Apple të lançojë në treg risinë më të fundit dhe të shumëpërfolur, Iphone 12, i  pari që do të punojë me rrjetin 5G.

Kompania gjithashtu ka zgjeruar gamën për të përfshirë një model të ri "Mini" që ka një ekran më të vogël 5.4 in.

Firma amerikane pësoi një rënie të gjerë gjatë këtij viti, por disa ekspertë thonë se tiparet e reja i japin Apple mundësinë  për një  rritje më të lartë që nga viti 2014, kur riorganizoi linjën e saj me iPhone 6.

5G do të sjellë një nivel të ri të performancës për shkarkime dhe ngarkime, transmetim video me cilësi më të lartë, lojëra më të përgjegjshme, ndërveprim në kohë reale dhe shumë më tepër. Modelet më të larta të iPhone 12 Pro gjithashtu marrin ekrane më të mëdha se më parë dhe një sensor të ri për të ndihmuar në fotografinë në dritë të ulët.

Sidoqoftë, për herë të parë asnjë nga pajisjet nuk do të shoqërohet me kufje ose me një karikues. Apple tha se masa ishte për të ndihmuar në zvogëlimin e ndikimit të saj në mjedis. IPhone tashmë është marka më e shitur e smartphone-ve në Mbretërinë e Bashkuar dhe e dyta më e popullarizuar në botë për sa i përket pjesës së tregut. 

IPhone 12 do të fillojë me një çmim prej 799, ndërsa iPhone 12 Mini do të fillojë me 699 £.

 

Edhe pse ky vit nuk pati shumë risi, Tik Tok, program i famshëm kinez i të bërit video, pësoi një boom përdorimi në mbarë botën. Padyshim ky hov i atribuoet periudhës së karantinës ku thuajse në të gjithë botën njerzit u mbyllën në shtëpi dhe zgjodhën TikTok-un për të kaluar një pjesë të konsiderueshme të  ditës së tyre. Platforma e mediave sociale përdoret për të bërë një shumëllojshmëri të videove në formë të shkurtër, nga zhanret si vallëzimi, komedia dhe edukimi, që kanë një kohëzgjatje nga 3 sekonda në 1 minutë. TikTok është një version ndërkombëtar i Douyin, i cili fillimisht u lëshua në tregun kinez në shtator 2016. Më vonë, TikTok u lancua në 2017 për iOS dhe Android në shumicën e tregjeve jashtë Kinës, megjithatë, ajo u bë e disponueshme në të gjithë botën, përfshirë Shtetet e Bashkuara, pasi u bashkua me një shërbim tjetër kinez të mediave sociale,në gusht 2018. Që nga tetori i vitit 2020, TikTok tejkaloi mbi 2 miliardë shkarkime në të gjithë botën.

 Në Shtetet e Bashkuara, shumë të famshëm duke përfshirë Jimmy Fallon, Tony Hawk, Jennifer Lopez, Jessica Alba, Will Smith dhe Justin Bieber si dhe shumë të  tjerë janë mjaft aktivë në TikTok. 

Më poshtë do të gjeni disa nga videot më të njohura në TikTok: