Flash News

Antimafia italiane zbardh rrjetin e drogës, korrierë edhe gra e të mitur në linjat Shqipëri-Itali

“Albanian Files” i hodhi ‘benzinë’ zjarrit kundër Ramës

“Shantazh ndaj protestës”, policia nis hetim për vlerësimet me ‘1 yll’ në Google ndaj miqve të Ramës

Vrasja e 55-vjeçares në Shkodër, çfarë dëshmoi autori pas arrestimit

Arsimi profesional, 18% e të diplomuarve as në punë as në shkollë

E-TJERA

SHBA, OSBE, Komisioneri për Zgjerim, mesazhet e ndërkombëtarëve për betimin e qeverisë së re

Politiko 18 September 2021, 12:02

SHBA, OSBE, Komisioneri për Zgjerim, mesazhet e

Betimi i qeverisë së re ‘Rama 3’ ka sjellë reagimin e ndërkombëtarëve.  

Përmes rrjeteve sociale, ata kanë përcjellë mesazhet e tyre të urimit për qeverinë e re.

OSBE: Prezenca e OSBE-së i shpreh urimet më të mira Qeverisë shqiptare me rastin e betimit të saj në detyrë para Presidentit të Republikës. Shqipëria ka një qeveri të re dhe shtysa të reja politike për të çuar përpara agjendën kombëtare dhe për të sjellë ndryshime të mëtejshme. Prezenca është e gatshme të vazhdojë t’i mbështesë përpjekjet e Shqipërisë për realizimin e reformave institucionale dhe presim me padurim të çojmë përpara angazhimet ekzistuese si dhe të nisim të reja si këto, me synim adresimin e nevojave të vendit tonë pritës, në përputhje me Mandatin tonë, në fushat e identifikuara si përparësi nga Qeveria në programin e saj të shpallur së fundmi: përfundimi i reformës në sistemin e drejtësisë, lufta kundër krimit të organizuar dhe korrupsionit, modernizimi i sektorit të sigurisë në vend, reforma zgjedhore. Rifillimi i jetës parlamentare me pjesëmarrjen e të gjitha partive politike dhe programi i shpallur zyrtarisht i Qeverisë së re përbëjnë një bazë solide demokratike për përparimin e mëtejshëm politik dhe ekonomik të vendit. Prezenca ka nderin që të jetë një partner i vendosur në avancimin e agjendës së reformave të Shqipërisë.

Ambasada e SHBA: “Urime Kryeministrit Edi Rama për fillimin zyrtarisht të mandatit të tretë historik.  SHBA pret të punojë intensivisht me  Shqipërinë për të forcuar demokracinë, mbrojtjen dhe biznesin. Urime dhe suksese!”

Komisioneri për Zgjerimin, Oliver Varhelyi : Urime Edi Rama dhe qeveria e Shqipërisë në marrjen e detyrës. Pres me padurim të punoj me ju dhe pres që integrimet #EU dhe sundimi i ligjit të shfaqen në rendin e ditës. Dialogu konstruktiv politik është çelës i fortë koordinimi për në Bashkimin Europian”.

Ambasadori i BE, Luigi Soreca: Urojmë kryeministrin Rama dhe qeverinë shqiptare që mori detyrën. Presim që integrimi në Bashkimin Evropian dhe reformat, përfshirë sundimin e ligjit, të zënë një vend të rëndësishëm në axhendë. Koordimi i fortë ndër-institucional është kyç për pranimin në BE". 

Të fundit