Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shehaj: Dosja e Ekoparkut të Durrësit implikon drejtpërdrejt Edi Ramën

Politiko 10 Korrik 2024, 09:45

Shehaj: Dosja e Ekoparkut të Durrësit implikon drejtpërdrejt Edi

Ekspertja e çështjeve ekonomike, Brisida Shehaj ka folur lidhur me hetimet e SPAK për denoncimet e opozitës dhe për sekuestrimet e djeshme për aferën korruptive ‘5D’.

Shehaj, e ftuar në ‘Kafe Shqeto’ në SYRI TV, deklaroi se dosja e Ekoparkut të Durrësit ështtë e vetmja dosje që implikon në mënyrë të drejtpërdrejtë Edi Ramën, me firmën e tij.

"Shohim një show me disa media që thonë do të ketë arrestime, dhe arrestime nuk ka. Shohim një kryeprokuror të SPAK, se sinqerisht duhet ta pyesim Dumanin se çfarë roli ka aty, sepse nëse do të jetë për aq sa mund t'i përcaktojë ligji, për të firmosur prokurorime nëse ka letër duarsh apo jo, atëherë është i kotë ai show që ai del e bën, që thotë prisni shtatorin.

Dumani ose ti marrë kredot personale, me anë të vendimeve që ai lëshon, dhe të japë një orientim i cili ndodhet në dosje dhe merret gjyqtari kur shkon dosja në gjykim.

Nëse vazhdojmë me këtë lloj show, jemi zero, jemi nul nuk kemi bërë asgjë.

Vendimi i gjyqtarit Kalaja është shumë i rëndë dhe sot ose nesër do të bëhet publik dhe shqiptarët do të shohin se çfarë thotë gjyqtari në dosje dhe kemi një SPAK që nuk bën asgjë.

Dyshimet e mia u regjistrua fillimisht pas denoncimit të Belindit, për tu mbajtur nën kontrolll, se nuk është meraku i tyre se po bëjnë burg dy drejtor, se këtë e ka vendosur Veliaj, por meraku i tyre është mbrojtja e aseteve dhe do të vazhdojnë do mbrohen.

ILD-ja nuk e heton prokurorin Dritan Prençi, i cili është denoncuar nga deputetët e PD-së, dhe që kanë cituar gjyqtaren paraprake e dosjes së inceneratorit të Fierit, e cila i thotë se nuk ke bërë hetime, nuk ke hetuar kupolën, je marrë deri në fazën e miratimit të kontratës dhe ILD thotë që ka prova, por jo mjaftueshëm sa të penalizohet prokurori.

Kemi një sistem që nuk funksionon, kemi struktura brenda drejtësisë që nuk duan të funksionojnë.

Nuk mund të pretendosh se Artur Metani drejtori juridik që ka kaluar të gjitha këto koncesione të penalizojë pikërisht prokurorin që nuk ka parë emrin e tij dhe Engjëll Agaçin.

Kemi një dosje shumë të fortë që është ajo Ekoparkut të Durrësit që implikon në mënyrë të drejtpërdrejtë në mënyrë të pakontestueshme veprimet e Edi Ramës dhe është ndoshta e vetmja dosje që implikon Edi Ramën drejtpërdrejtë dhe pa asnjë ekuivok. Nuk e di a ka marrë ndonjë përgjigje nga SPAK, pasi është realisht e vetmja dosje që e implikon Ramën me firmën e tij", deklaroi Shehaj.