Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shembjet në aksin Librazhd-Pogradec, Prokuroria e Elbasanit nis procedim penal për dëmtimet që paralizuan 'Juglindjen'

Politiko 22 Shkurt 2026, 11:18

Shembjet në aksin Librazhd-Pogradec, Prokuroria e Elbasanit nis procedim

Prokuroria e Elbasanit ka nisur procedim penal për dëmtimet që kanë sjellë bllokimin e qarkullimit.

Hetimi do të fokusohet në shkaqet që çuan në rrëshqitjen masive e cila shembi rrugën, linjën hekurudhore, linjat elektrike e rrezikon më tej. Prokuroria në bashkëpunim me institucionet e tjera kompetente do të verifikojë lejen për marrjen e inerteve në Shkumbin dhe zbatimin e saj.

Përgjegjës për dëmtimin e rrugës është bërë kompania që po ndërton Korridorin 8 pasi fadromat kanë gërryer shtratin e lumit me bekimin e institucioneve, duke sjellë pasoja siç janë edhe rrëshqitjes e dherave, plasaritjet dhe çarjet e rrugës.

Aksi Librazhd-Pogradec ka pësuar çarje dhe shembje në disa pjesë të rrugës, dëmtime që kanë qenë prezente prej javësh. Çarjet rrezikojnë shembjen e urës çka detyroi Autoritetin Rrugor Shqiptar të bllokojë plotësisht qarkullimin e mjeteve, duke paralizuar qarkullimin drejt Juglindjes. 

I vetmi aks alternativ është rruga Maliq-Moglicë, një tjetër segment i dëmtuar ku po ashtu, prej javësh janë shfaqur çarje dhe shembje serioze. E vetmja alternativë që lidh Juglindjen me Tiranën dhe anasjelltas, vijon të mbetet problematike për qarkullimin.

Të fundit