Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Regjistrohet viktima e parë nga përmbytjet në Durrës

Politiko 8 Janar 2026, 11:51

Regjistrohet viktima e parë nga përmbytjet në Durrës

Një person është gjetur pa shenja jete në Durrës. Viktima 54 vjeç, dyshohet të jetë mbytur në zonën e Plepave, pasi rrjedha e kanalit e ka marrë me vete.

Trupi i pajetë është transportuar drejt morgut të qytetit të Durrësit, ku do t’i nënshtrohet ekspertizës mjeko-ligjore.

"Në vijim të informacionit të dhënë pak më parë, për largimin nga banesa të shtetasit A. H., 54 vjeç, informojmë se pas kërkimeve të kryera nga shërbimet e Policisë dhe nga polumbarët e Reneas, u gjet trupi i pajetë i 54-vjeçarit, në një kanal kullues në afërsi të Ish-repartit Ushtarak. Paraprakisht dyshohet se shtetasi A. H. është marrë nga rrjedha e ujit.

Grupi hetimor është në vendngjarje dhe po punon në drejtimin e Prokurorisë, për të sqaruar dhe dokumentuar rrethanat e rastit", njofton policia.

Situata në qytetin e Durrësit mbetet kritike prej ditës së djeshme. Reshjet intensive të shiut dhe kanalet e bllokuara kulluese shkaktuan përmbytje masive, duke vështirësuar qarkullimin e mjeteve dhe këmbësorëve. Disa familje u evkauuan nga ish-këneta, ndërsa shumë biznese pësuan dëme të kondsiderueshme.

Të fundit