Sherr me thika në Elbasan, plagoset 52-vjeçari

Një sherr që ka degraduar në përdorimin e armëve të ftohta ka ndodhur në qytetin e Elbasanit.

Një 33-vjeçar ka plagosur me thikë një 52-vjeç në lagjen "Vullnetari".

Sipas Policisë ngjarja ka ndodhur për motive të dobëta, ndërsa nga hetimet ka rezultuar se 33-vjeçari është person me precedent penla për vjedhje. 

Ai është arrestuar dhe shoqëruar për veprime të mëtejshme proceduriale. 

Njoftimi i plotë:

Plagosi me thikë, një shtetas, gjatë një konflikti për motive të dobëta, kapet dhe vihet në pranga 33-vjeçari.

I arrestuari, me precedent penal për vjedhje.

Menjëherë pas marrjes së njoftimit se në lagjen “Vullnetari”, një shtetas ishte plagosur me mjet prerës (thikë), shërbimet e Komisariatit të Policisë Elbasan organizuan punën dhe shkuan në vendngjarje. Si rezultat i veprimeve të shpejta hetimore dhe operacionale, u bë i mundur  identifikimi dhe kapja e autorit të dyshuar të plagosjes, shtetasit:

-B. S., 33 vjeç, banues në Elbasan.

Nga hetimet dyshohet se ky shtetas, dje, në lagjen “Vullnetari”, gjatë një konflikti për motive të dobëta, me shtetasin S. D., 52 vjeç, e ka goditur atë, me mjet prerës (thikë).

52-vjeçari është në kujdesin e mjekëve, jashtë rrezikut për jetën.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme, për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.