Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Sherri për qiranë e stallës së derrave i merr jetën 41-vjeçarit; autori i krimit: E vrava se më shante

Politiko 17 Dhjetor 2020, 11:47
Sherri për qiranë e stallës së derrave i merr jetën
Foto Ilustruese

Një ngjarje e rëndë ka ndodhur mëngjesin e sotëm në një fshat të Kuçovës. Një konflikt për motive të dobëta ka përfunduar në përplasje me armë zjarri, me pasojë jetën e një personi.

Mësohet se viktima është Ajet Guneli, 41-vjeç. Ai u ekzekutua në oborrin e një lokali në liqenin e fshatit Goraj nga një 44-vjeçar, i identifikuar si Vangjel Polovina.

Nga të dhënat paraprake bëhet me dije se shkak i ngjarjes ishin konfliktet e vazhdueshme mes viktimës dhe autorit të krimit. Sipas policisë, viktima i kishte dhënë me qira një stallë derrash autorit të dyshuar, e cila ishte bërë shkak i përplasjeve të vazhdueshme.

Polovina pretendon se qiramarrësi e shante dhe ofendonte përditë, çka e detyroi të kryente aktin e rëndë.

Njoftimi i policisë:

Policia e Beratit kap dhe arreston në kohë rekord autorin e vrasjes së 41-vjeçarit. Vrau me armë zjarri për motive të dobëta qiramarrësin e objektit, kapet dhe vihet në pranga 44-vjeçari. Shërbimet e Komisariatit të Policisë Berat, në bashkëpunim me strukturat hetimore të Drejtorisë Vendore të Policisë Berat dhe forcat e posaçme “Shqiponjat”, pas njoftimit të marrë se tek liqeni në afërsi të fshatit Goraj të Beratit kishte ndodhur një vrasje me armë zjarri, menjëherë kanë shkuar në vendngjarje. Falë veprimeve të shpejta profesionale dhe hetimore, krehjes së zonës dhe reagimit të menjëhershëm duke rrethuar zonën në një perimetër të gjerë bënë të mundur kapjen dhe arrestimin e autorit të dyshuar të ngjarjes, shtetasin:

P., 44 vjeç, banues në Kuçovë. Gjithashtu, shërbimet e Policisë kanë sekuestruar në cilësinë e provës materiale automjetin tip furgon me të cilin autori tentoi të largohej, si dhe armën e zjarrit kallashnikov me të cilën dyshohet se ka kryer krimin.

Ky shtetas, mëngjesin e sotëm, në oborrin e një lokali në liqenin e fshatit Goraj ka vrarë me armë zjarri, për motive të dobëta, shtetasin A. G., 41 vjeç, pasi kishte debate të vazhdueshme dhe pretendonte se ai e ofendonte përditë.

Shtetasi V. P. i kishte marrë me qira një stallë derrash 41-vjeçarit dhe kishte mosmarrëveshje të vazhdueshme me të me të pasi pretendonte se qiramarrësi e shante dhe ofendonte përditë. Grupi hetimor, nën drejtimin e Prokurorisë, ndodhet në vendngjarje dhe vijon puna për sqarimin e plotë të rrethanave të ngjarjes.

Të fundit