Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shfuqizimi i nenit për mandatet, ISP: Nëse vendimi do të merrej para 25 prillit 34 deputetë nuk do të ishin zgjedhur

Politiko 1 Korrik 2021, 09:33

Shfuqizimi i nenit për mandatet, ISP: Nëse vendimi do të merrej

Instituti i Studimeve Politike ka reaguar pas vendimit të Gjykatës Kushtetuese, e cila shfuqizoi dje nenin që shpërndan mandatet e deputetëve sipas herësit. Në zgjedhjet e ardhshme, deputeti që fiton numër më të madh votash futet në parlament pavarësisht renditjes.

Sipas një analize të ISP-së, nëse vendimi do të ishte para zgjedhjeve të 25 prillit, 34 nga 140 deputetë ose 24% e parlamentit të ri nuk do të ishin zgjedhur dhe as mandatuar si deputetë, për shkak të numrit të votave që ata kanë marrë nga qytetarët.

Instituti i Studimeve Politike thotë se politikanët e cënuar nga ky nen, tashmë antikushtetues, do ta përdorin vendimin e GJK për të vënë në dyshim legjitimitetin e një pjese të deputetëve, të cilët nëse vendimi do të ishte aplikuar në zgjedhjet e 25 prillit, nuk do të ishin pjesë e parlamentit të ri 2021-2025.

Midis emrave që do të humbnin mandatin bien në sy ministrja e Mbrojtjes Olta Xhaçka, kryetari i PBDNJ Dule, numri dy në LSI Vasili, deputetë të njohur si Bushka, Felaj apo Bylykbashki, etj.

Në nivel të partive politike, PS do të duhej të zëvendësonte 14 deputetë ose 18% të grupit, PD 16 deputetë ose 27% të grupit, LSI 2 nga 4 deputetë e shprehur në 50% të grupit dhe PSD 3 nga 4 deputetët, pra 67% të grupit. Në total do të humbnin mandatin parlamentar duke u zëvendësuar 34 deputetë ose 24% e numrit total të deputetëve në parlamentin e ri.

Më poshtë lista e 34 deputetëve që nuk do të ishin zgjedhur:

Shfuqizimi i nenit për mandatet, ISP: Nëse vendimi do të merrej

Shfuqizimi i nenit për mandatet, ISP: Nëse vendimi do të merrej

ISP thotë se këto të dhëna tregojnë sesi partitë politike nuk kanë arritur të përfshijnë në listat e kandidimit individë me mbështetje elektorale, por kanë përdorur skema e formula taktike që sigurojnë mandate me legjitimitet të cunguar.

Të fundit