Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shkarkimi i Imerajt, avokati: Vettingu është jashtë kontrollit, humbët një aset

Politiko 27 Prill 2022, 15:59

Shkarkimi i Imerajt, avokati: Vettingu është jashtë kontrollit,

Avokati i Elisabeta Imerajt nga Stasburgu, Gregory Thuan Dit Dieudonne, ka folur pas vendimit të KPA-së për shkarkimin e prokurores nga detyra.

Avokati tha në një deklaratë për mediet, se sistemi i vettingut është jashtë kontrollit e për pasojë Shqipëria humbi një aset t rrallë dhe një prokurore të denjë si Imeraj. Avokati pohoi se gjatë seancës janë përdorur fakte fallco, ndërsa shtoi se do t’i drejtohej shkallëve të tjera të mbrojtjes.

“Dua të them që sot është një ditë e trishtë për Shqipërinë. Sot provuam se sistemi i vettingut po shkon gabim. Provuam që procesi është jashtë kontrollit. Nuk kam parë kurrë kaq fakte fallco dhe boshe. Unë mendoj se sot keni humbur një aset, keni humbur një prokurore të denjë, sepse sistemi është komplet jashtë kontrollit. Sigurisht që do të shkojmë në hapa të tjera”, u shpreh avokati i saj.

Vetë Imeraj e cilësoi vendimin e KPA një vendim në kundërshtim me ligjin, teksa kërkoi të argumentohej nga ana e organit të vettingut se kush e kërkoi shkarkimin re saj.

“Ndihem e çuditur është në kundërshtim me procesin ligjor, pa marrë parasysh asnjë lloj pretendimi të paraqitur nga ana ime. Shpresoj ta kem të argumentuar kush e shpreson shkarkimin tim nga sistemi i drejtësisë. Jeni të ftuar në cilësinë e gazetarëve të merrni çdo fletë të dosjes hetimore, ku vërtetohet se Imeraj ka zero pasuri në pronësi dhe bashkëpronësi. Puna ime prej 17 vitesh ka folur qartë se si është kryer puna e prokurorit dhe rezultatet e marra prej tyre”, tha Imeraj.

Të fundit